Гимназиябез укучылары тарихи акция - "Хәтерлибез һәм горурланабыз" проектында катнаша. 7Б сыйныф укучылары Искәндәр Зәйдуллин һәм Азамат Ямалов Җиңү паркындагы тарихи урыннар беләнукучыларыбызны таныштыралар.

Гимназиябез укучылары бүген тарихи акция - "Хәтерлибез һәм горурланабыз" проектында катнашты. Тәрбия эшләре буенча директор урынбасары Ленар Зөфәк улы Шәвәлиев, тарих укытучысы Рәмис Илгиз улы Хәсәнов белән берлектә Җиңү паркында булып, мәгълүмат тупладылар. 7Б сыйныф укучылары Искәндәр Зәйдуллин һәм Азамат Ямалов экскурсиядә гид булып эшләделәр.

Гимназиябез укучылары бүген "Җиңү диктанты" акциясенә кушылды. 100 дән артык укучыбыз Бөек Ватан сугышы турындагы белемнәрен тикшереп карады. Тарихны янә бер кат искә төшерде.

Гимназиябезнең 5 сыйныф укучылары инглиз теленнән телдән имтихан тапшыра.

3А сыйныф укучылары гимназиябезнең "Адымнар" комплексы китапханәсендә экскурсиядә булдылар. Укучылар өчен татар халкының бөек шагыйре Габдулла Тукай иҗатына багышланган презентация күрсәтелде. Шулай ук алар язучыбызның китаплары белән таныштылар. Укучыларыбызда Г. Тукай әсәрләренә, татар теленә, мәдәниятенә, сәнгатенә, гореф-гадәтләренә мәхәббәт тәрбияләнде.

2А һәм 2Б сыйныф укучылары Габдулла Тукайның 137 еллыгын билгеләп үттеләр. Укучылар язучының шигырьләрен яттан сөйләделәр. Китапханәгә кайткан яңа китаплар белән таныштылар.

Гимназиябезнең 1А сыйныф укучылары районда узган Тукай бәйрәмендә актив катнашканнары өчен Рәхмәт хаты белән бүләкләнделәр. Котлыйбыз!

Гимназиябезнең 6 сыйныф укучылары инглиз теленнән сынау үтә. Телдән имтихан тапшыра алар бүген.

Якташыбыз, марафончы Фирая Солтанова-Жданова кубогына узган эстафетада гимназиябез командалары да катнашты. Кечкенәләр командасы - V, зурлар командасы III урын яулады. Котлыйбыз!

Бөек татар шагыйре Габдулла Тукайның туган көне һәм туган тел көне белән! Татар телем - халкым теле!