Мәктәбебезнең татар теле һәм әдәбияты укытучысы Әлфия Рафаил кызы Исрафилова районыбыз мөгаллимнәре белән Кырлайга экскурсиягә барды. Казанда  Х.Вахитның "Туй алдыннан" мелодрамасын каравы белән дә фикер уртаклашты.

    6 нчы октябрьдә район мәдәният йортында Бөек Ватан сугышы мемориал - музее Сугышчан Дан Клубы җитәкчесе М.Ю.Черепанов, Казан шәһәре Яңа Савин районы 38 нче мәктәп укучылары һәм җитәкчеләре Хәтер вахтасы уздырдылар. Аларның төп максаты - районнан сугышка китеп, хәбәрсез югалган дип саналганнарның яуда вафат булуларын, исемнәрен ачыклап, төп документны балаларына яки якын туганнарына тапшыру. Бу чарада мәктәп директоры Г.Р.Ахметова, директор урынбасарлары - Г.М.Сәетова, А.И.Ханнанова катнашты. Мәктәбебез укучылары Раил һәм Фидан Басыйровларның әбиләре - Әнҗәп апа да бу чарага чакырылган иде. Ул да әтисенең документын алу бәхетенә иреште.

Мәктәбебезнең 7 нче класс укучысы республикакүләм "Надо жить честно!"  дигән иҗади бәйгенең мәктәп турында җиңеп чыкты һәм иҗат җимеше район турында катнашу өчен җибәрелде. Аңа уңышлар телибез!

               5-7 нче класс укучылары  тәрбия эшләре буенча директор урынбасары Алия  Илнур кызы Ханнанова җитәкчелегендә "Укытучылар көне"нә багышланган кичә уздырдылар. Бәйрәмгә гомерләрен яшь буынга белем һәм тәрбия бирүгә багышлаган лаеклы ялдагы мөгаллимәләр дә чакырылган иде. Алар үзләренең теләкләрен әйттеләр, уңышлар теләделәр.

    Хөрмәтле юбилярыбыз, Әфка Муллаян улы Мәрдәновны 60яшьлек юбилее белән чын күңелдән котлыйбыз. Сезгә сәламәтлек, озын гомер, пар канатлы, оныкларыгызның яраткан дәү әтисе булып озак еллар яшәргә язсын иде. Алтын көзнең иң матур вакытында тугансыз, киләчәк тормышыгыз да шулай булсын иде.

                                                                                                          Мәктәбебез коллективы.

Татар теле һәм әдәбияты укытучысы Ә.Р.Исрафилова язучы, шагыйрә С.Сөләйманованың тормыш юлы, иҗат үзенчәлекләре белән таныштырды. Шагыйрә исемендәге премия лауреатларының исемнәрен әйтеп узды. Әсәрләре искә төшерелде.

Өлкәннәребезне бәйрәмнәре белән котлыйбыз. Сәламәтлек, шатлыклар телибез.

Өлкәннәр көненә багышланган ярминкәдә мәктәбебез активлык күрсәтте. Бакчада җитештерелгән яшелчәләрне бик теләп алдылар. 

Китапханәгә кайткан яңа китаплардан күргәзмә оештырылды. Укучылар белән сөйләшү уздырылды.

Укытучылар, чыгарылыш класс һәм хәзер мәктәптә укучылар китапханәгә үзләренең әдәби китапларын тапшырдылар. Актив катнашучыларның исемнәре әйтелде. Тапшыру дәвам итә.