2 нче ноябрь көнне сәяхәт "Лачын" боз-спорт сараенда дәвам итте. Бирегә беренче тапкыр килгән укучылар да шуып карадылар, ә белгәннәре аларга ярдәм иттеләр. Укучылар канәгать калдылар һәм хезмәткәрләргә рәхмәт әйттеләр.

 Район үзәгенә сәяхәтләре "Җиңү" паркында булу белән төгәлләнде.  Укучылар туган авылларыннан ничә кешенең Бөек Ватан сугышына китүе һәм күпмесенең ятып калуы белән якыннан таныштылар. Һәр урында булып, яңа мәгълүматлар алдылар. Көзге каникулның бер көнен әнә шулай файдалы  итеп уздырулары өчен, экскурсияне оештыручы укытучылары Ә.Р.Исрафиловага һәм мәктәп директоры Г.Р.Әхметова рәхмәтләрен әйттеләр.

     IX класс укучылары татар теленнән БДИ биремнәре эшләп карадылар.  БРТ тапшыру өчен ни дәрәҗәдә әзер булуларына нәтиҗә ясадылар.   

   I чиректә башкарылган эшләргә нәтиҗә ясалды, каникул чорына һәм алдагы чиреккә бурычлар билгеләнде. Тәрбия эшләре буенча директор урынбасары Алия Илнур кызы Ханнанова Җиңүче классларга “Мактау кәгазе” тапшырды.

 Педагог-китапханәчебез Әлфия Рафаил кызы Исрафилова “Мәктәп китапханәләре” айлыгында актив катнашкан укучыларга “Мактау кәгазе” һәм бүләкләр тапшырды.

  “Мәктәп китапханәләре” айлыгына йомгак ясалды.  Барысы 17 укучы актив канашып, җиңүгә ирештеләр. Киләчәктә һәр укучының да актив булуын һәм җиңүгә ирешүләрен телибез. 

  Татар теле һәм әдәбияты укытучысы Әлфия Рафаил кызы Исрафилова укучыларны шагыйрь дә, хикәяче һәм тәрҗемәче дә, публицист та, халык җырларын туплаган һәм аларны өйрәнгән фольклорчы, үзенчәлекле драматург, музыкаль драма жанрын тудырган каләм остасы буларак  М.Фәйзинең тормышы, иҗаты белән таныштырды. Драма әсәрләреннән күренешләр карадылар.

 Күренекле җырчы, актриса, композитор Сара Садыйкованың тууына да 110 ел тулу уңаеннан укучыларны аның тормыш юлы, иҗаты белән таныштыру уздырылды. Укытучы Ә.Р.Исрафилова “Актаныш таңнары”, “Казан кичләре” җырларының авторлары турында да белешмә бирде һәм шул җырлар тыңланды.

    28 нче октябрь көнне II класс укучыларының ата-аналары мәктәпкә чакырылды. Җыелышта укытучылары Ч.Р.Шәвәлиева "Укучыларның беренче билгеләре" темасына чыгыш ясады. Ата-аналарга методик яктан ярдәм күрсәтте. 

 4 нче, 6 нчы һәм 8 нче класс укучылары өчен татар теленнән мониторинг уздырылды. Үзләрен имтихандагы шикелле хис итеп, биремнәрне үтәделәр.