Мәктәптә ата-аналар җыелышы уздырылды. Тәрбия эшләре буенча директор урынбасары А.И.Ханнанова "Гаиләдәге каршылыклар һәм аларны чишү юллары" темасына чыгыш ясады. Ата-аналар "Уңышка юл" программасына нигезләп үткәрелгән третингта теләп катнаштылар. Укыту-тәрбия эшләре белән директор урынбасары Г.М.Сәетова фәннәрдән уздырылган чиреклек язма эшләрнең нәтиҗәсе белән таныштырды. Мәктәп директоры Г.Р.Әхметова алда торган бурычларга тукталды. Җыелыш калсс җитәкчеләре белән сөйләшү рәвешендә дәвам итте. 

 Инглиз теленнән олимпиадага әзерлек дәвам итә. Дәрестән соң биремнәргә җаваплар эзләнә, аудиоязма тыңлана. Дианага уңыш телибез.

 Дәрестән соң математикадан олимпиадага әзерлек дәвам итә. Укучыларга уңышлар телибез.

  3 нче ноябрь көнне педагогик киңәшмә уздырылды. Рус теле һәм әдәбияты укытучысы Р.С.Галимҗанова "Психологический комфорт в школе - важное условие повышения качества образования и воспитания"  дигән темага методик доклад укыды. I чиреккә нәтиҗә ясалды, алдагысына бурычлар билгеләнде.

 1 нче һәм 2 нче ноябрь көннәрендә 9 нчы класс укучылары рус теле, математикадан сынап карау имтиханы бирделәр. Аларга уңышлар телибез. 

  2 нче ноябрь көнне укытучыбыз Ә.Р.Исрафилова җитәкчелегендә  мәктәбебез укучылары район үзәгендә күңелле сәяхәттә булдылар. Балалар китапханәсе хезмәткәрләре белән очрашу вакытында аларның эшчәнлеге белән таныштылар, әкиятләргә багышланган әдәби уенда катнаштылар. ачык йөз белән каршылаган апаларга чын күңелдән рәхмәтләрен белдерәләр.

2 нче ноябрьдә сәяхәт маршруты музей белән танышу белән дәвам итте. Музейда тупланган һәр мәгълүмат белән җентекләп таныштылар. Музей хезмәткәрләренең дә балаларга җылы мөнәсәбәтләре өчен рәхмәтебезне белдерәбез. 

2 нче ноябрь көнне сәяхәт "Лачын" боз-спорт сараенда дәвам итте. Бирегә беренче тапкыр килгән укучылар да шуып карадылар, ә белгәннәре аларга ярдәм иттеләр. Укучылар канәгать калдылар һәм хезмәткәрләргә рәхмәт әйттеләр.

 Район үзәгенә сәяхәтләре "Җиңү" паркында булу белән төгәлләнде.  Укучылар туган авылларыннан ничә кешенең Бөек Ватан сугышына китүе һәм күпмесенең ятып калуы белән якыннан таныштылар. Һәр урында булып, яңа мәгълүматлар алдылар. Көзге каникулның бер көнен әнә шулай файдалы  итеп уздырулары өчен, экскурсияне оештыручы укытучылары Ә.Р.Исрафиловага һәм мәктәп директоры Г.Р.Әхметова рәхмәтләрен әйттеләр.

     IX класс укучылары татар теленнән БДИ биремнәре эшләп карадылар.  БРТ тапшыру өчен ни дәрәҗәдә әзер булуларына нәтиҗә ясадылар.