Төрле фәннәрдән кызыклы сорауларны үз эченә алган “Мин иң зирәк укучы” бәйгесенә нәтиҗә ясалды. I- IV класс укучылары арасында А.Хәбирова, Н.Кашапова, С.Камалетдинов, К.Әхмәтхуҗин, З.Гәрәев; V – IXкласслардан Д.Насертдинова, А.Манихова, Д.Акбулатовалар мактаулы I – III урыннарга ия булдылар. 

 5-9 нчы класс укучылары белән информатика укытучысы Гөлназ Сәгыйрь кызы Варина "Куркынычсыз интернет" темасына әңгәмә үткәрде. Интернеттан файдалану тәртибе дә искә төшерелде. 

.   Мәктәбебездә "Уңыш бәйрәме" уздырылды. Тәрбия эшләре буенча директор урынбасары Алия Илнур кызы Ханнанова кызыклы программа әзерләгән иде. Укучыларның 3 командасы да активлык күрсәттеләр. Уеннарда да сынатмадылар. Катнашкан һәркемгә башка ярышларда да уңышлар телибез.

 Мәктәп китапханәләре айлыгында Башлангыч класс укучылары белән "Боларны белү кызыклы" дигән бәйге уздырылды. Укучылар үзләренең тапкырлыкларын сынадылар, белемнәрен арттырдылар.

 5-6 нчы класс укучылары өчен оештырылган "Математик карусель" мәсьәләләр чишү бәйгесендә И.В.Имамов, Д.Р.Насертдинова, Р.Р.Гайсиннар катнашты. Алар 6 нчы урын алдылар. Укытучылары - Э.Х.Садыйкова. Киләчәктә бу өлкәдә белемнәрен арттырырлар дип ышанабыз.

 Актаныш 2 нче санлы урта мәктәбенең рус теле һәм әдәбияты укытучысы Усманова Римма Александр кызы, остаз буларак, инглиз теле укытучысы Ханнанова Алия Илнур кызына методик ярдәм күрсәтү өчен килде. Караган 2 дәресенә дә уңай бәя бирде. укытучы - остазга рәхмәтебезне белдерәбез.

 Башлангыч класс укучылары белән "Тапкырлар иртәсе" уздырылды. Камалетдинов Самат, Булатов Нәфкәт, Хәбирова Айзиләләр аеруча активлык күрсәттеләр. 

  Бөтенрәсәй фән олимпиадаларының мәктәп туры җиңүчеләре билгеле. Район турында катнашып, җиңүгә ирешүләрен телибез. Олимпиадалар дәвам итә.

Китапханәчебез район семинарында катнашты. Мәктәбебез укытучыларын электрон дәреслекләрнең уңайлы ягы белән таныштырды.

  "Мәктәп китапханәләре айлыгы" дәвам итә. Алдан бирелгән биремнәргә җаваплар эзләү һәм конкурсларда җиңү өчен укучыларыбыз үз тырышлыкларын куялар.