Татар халкының бөек шагыйре Г.Тукайның тууына 130 ел тулу уңаеннан "Тукай образы әдәбиятта, сәнгатьтә, музыкада" дип исемләнгән сочинение конкурсы игълан ителеп, конкурсның 1 нче этабында җиңү яулаган 9 нчы класс укучысы Гайсина Ләйсәннең эше район этабына җибәрелде. Аңа уңышлар телибез.

Башлангыч класс укучылары арасында Космонавтика көненә багышланган ракета моделенә конкурс игълан ителде. Укучылар үзләренең проектлары буенча мастер-класс үткәрделәр.

13 нче апрель көнне мәгариф бүлеге планы нигезендә Космонавтика көненә багышлап, пневматик мылтыктан ату ярышы  уздырылды. Ярышта безнең мәктәп укытучылары да актив катнаштылар.

4 март көнне Чалманарат төп гомуми белем бирү мәктәбендә 9 нчы класс укучылары һәм аларның ата-аналары катнашында эшлекле сөйләшү узды. Җыелышта уздырылган ОГЭ нәтиҗәләре һәм имтиханнарга алга таба әзерлекне оештыру турында уртага салып сөйләшенде. Укучылар да, ата-аналар да имтиханнарның ни дәрәҗәдә җитди икәнлегенә тагын бер кат инандылар һәм балаларны әзерләүдә укытучылар белән бергә эшләргә ышандырдылар.

2 нче апрель - Халыкара балалар китабы көненә багышлап, мәктәбебезнең татар теле һәм әдәбияты укытучысы, китапханәче Исрафилова Ә.Р. укучылар белән чара уздырды. Укучыларга мероприятие бик ошады.

30 нчы март көнне Актанышта район хакимияте призына татар-башкорт көрәше оештырылды. Мәктәбебезнең  8 нче сыйныф укучысы Исламов Рәдис уңышлы чыгыш ясады. Киләчәктә аңа уңышлар телибез.

Яр Чаллы шәһрендә уздырылган "Пушкинские чтения" бөтенрәсәй бәйгесендә катнашып, 6 нчы сыйныф укучысы Акбулатова Диана (укытучысы Галимзянова Р.С.) уңышлы чыгыш ясады һәм Дипломга лаек булды. Аны зур җиңүе белән котлыйбыз һәм киләчәктә дә зур уңышлар телибез.

23 нче март көнне Яр Чаллы шәһәренең А.С.Пушкин исемендәге 28 нче санлы лицеенда 1 нче бөтенрәсәй ачык иҗади конкурс уздырылды. "Пушкин укулары" бәйгесендә 8 нче класс укучысы Хөсниярова Зөлфия  мастер-класс күрсәтте һәм диплом белән бүләкләнде. Аны бу җиңүе белән чын күңелдән котлыйбыз һәм киләчәктә дә зур уңышларга ирешүен телибез.

Әлмәт шәһәрендә уздырылган Клара Булатова исемендәге премия бирү өчен уздырылган иҗади эшләр бәйгесендә катнашып, мәктәбебез укучылары: Хөсниярова Зөлфия Айдар кызы, Булатов Шәфкәт Шамил улы катнашучы Дипломына һәм кыйммәтле бүләккә ия булдылар. Аларга киләчәктә уңышлар телибез. 

Әлмәт шәһәрендә уздырылган Клара Булатова исемендәге премия бирү өчен уздырылган иҗади эшләр бәйгесендә укучыларның актив катнашуларына ирешкән өчен, мәктәбебезнең татар теле һәм әдәбияты укытучысы Әлфия Рафаел кызы Исрафилова кыйммәтле бүләккә ия булды. Аны укучыларның иҗади сәләтләрен үстерүдәге җиңүе белән котлыйбыз,  киләчәктә дә зур уңышлар телибез.