22 нче ноябрь көнне 4 нче, 6 нчы, 8нче класс укучылары инглиз теленнән мониторинг биремнәрен эшләделәр. 

45 минутта үзләренең белемнәрен сынадылар.

5-7 нче класс укучылары белән "Туган көн" кичәсе уздырылды.  Соңыннан һәр укучыга котлау открыткалары тапшырылды.

 Рус галиме, язучы Михаила Васильевич Ломоносовның тууына 305 ел тулуга багышланган викторина уздырылды. Рус теле һәм әдәбияты укытучысы Р.С.Галимҗанова укучыларда кызыксыну уятырлык сораулар әзерләгән иде.

 Инглиз теленнән уздырылачак олимпиаданың район этабында 7 нче класс укучысы Диана Акбулатова катнашачак. Аңа уңышлар телибез.

   6 нчы һәм 7 нче класс укучылары белән тәмәкенең сәламәтлекккә зыяны турында сөйләшү уздырылды. Тәмәкегә мөнәсәбәтләрен ачыклау максатыннан анкета алынды һәм нәтиҗә ясалды.

  7 нче класс укучысы Сирин Имамов географиядән уздырылган олимпиаданың район турында катнашты. Аңа уңышлар телибез.

   Бөек драматург, артист, режиссер Кәрим Тинчуринның тууына 129 ел  тулуга  һәм Татар театрының 110 еллыгы уңаеннан үткәрелә торган Республика мәктәпләре  конкурсының Яр Чаллы зонасында 9 нчы класс укучысы Зөлфия Айдар кызы Хөсниярова катнашты. Ш.Хөсәеновның “Әни килде”драмасыннан Ана монологын сөйләде. Җитәкче укытучы: Ә.Р.Исрафилова.

Район мәдәният йортында педагоглар өчен "Мәктәптә СанПИН таләпләре" дигән уку булып узды. Мәктәбебез укытучылары, монда катнашып, йогышлы авырулардан саклану һәм расписание төзү кагыйдәләре, шәхси гигиена таләпләре, аларның үтәлеше белән таныштылар.

   2 нче һәм 4 нче класс укучылары читтән торып  уздырылган «Русский с Пушкиным» олимпиадасында катнашып Грамоталар белән бүләкләнделәр. Укытучылары Ч.Р.Шәвәлиева белән биремнәрне кабат карап чыктылар. Киләчәктә дә үз белемнәрен сынап карауларында уңышлар телибез.