Башлангыч класс укучылары "Хуш киләсең, Яңа ел!" исеме белән бәйрәм тамашасы уздырдылар. Уку алдынгыларына, рәсем ясау конкурсында призлы урын алган укучыларга бүләкләр тапшырылды, төрле уеннар һәм җыр-биюләрдә укучылар актив катнаштылар. Бәйрәмне әзерләгән башлангыч класс мөгаллимнәре Д.М.Гаязова һәм Ч.Р.Шәвәлиевага; мәктәп дирекциясенә рәхмәтебезне җиткерәбез. Яңа ел һәммәбезгә дә уңышлар, бәхет, сәламәтлек, иминлек, илебезгә тынычлык алып килсен иде.

23 нче декабрь көнне татар теле һәм әдәбияты укытучысы Ә.Р.Исрафилова 6 нчы класста "Күрсәтү алмашлыклары" темасына татар теленнән ачык дәрес уздырды. Укытучылар дәрескә уңай бәя бирделәр. 

 II чиректә башкарылган эшләргә йомгак ясау линейкасы уздырылды. Уңышлар барланды, алдагы чиреккә бурычлар билгеләнде. Физкультура укытучысы М.Ф.Гыйльметдинов иминлекне, сәламәтлекне саклау чаралары белән таныштырды.  

21-22 нче декабрь көннәрендә 9 нчы класс укучылары рус теле һәм математика фәннәреннән Казаннан килгән ТДИ биремнәре эшләделәр. Нәтиҗәләре уңай иде.

    Мәктәбебездә "Театр яктылыкка, уңга илтә" дигән кичә уздырылды. Татар теле һәм әдәбияты укытучысы Әлфия Рафаил кызы Исрафилова татар театрының тарихы белән таныштырды. Укучылар төрле драма әсәрләреннән үзләре әзерләгән өзекләрне сәхнәләштерделәр. 

 Район мәгариф бүлеге тарафыннан әзерләнгән биремнәрдән төзелгән контроль язма эшләр башкару төгәлләнде. бу эш оешкан төстә уздырылды.

Яңа елны күңелле итеп уздыру өчен, укучылар конкурсларга әзерләнәләр. Аларга уңышлар телибез.

 Укучыларның  дәреслекләрне тотулары тикшерелде. Кимчелекләр күзәтелмәде 

22 нче декабрьдә Казанда беренче тапкыр татарча спектакль куела. Быел аның 110 еллыгы билгеләп уздырылачак. Шул уңайдан укучыларга эшләр бирелде. Алар спектакльләрдән өзекләр күрсәтәчәкләр һәм әсәр героена "хат" язачаклар.

Мәктәптә коррупциягә каршы рәсем ясау һәм иҗат эшләре конкурсы уздырылды. Укучылар актив катнаштылар. Урыннар чыгарылды.