“Парламент дәресе – 2016”  республика конкурсының муниципаль этабында катнашу өчен, 7 нче класс укучысы С.В.Имамовның  “Мой вклад в будущее Татарстана” дигән иҗади эше уңышлы дип табылды һәм бәйгедә катнашу өчен җибәрелде. Җитәкчесе рус теле һәм әдәбияты укытучысы Р.С.Галимҗанова.  Иҗат эшенең җиңүен телибез.

 3 нче февраль көнне Актанышта ЮНАРМИЯ отрядлары арасында узган 1 нче район ярышларында безнең мәктәптән Ш.Ш.Булатов (8 нче класс), З.А.Хөсниярова (9 класс) катнашты. Алар 3 төр буенча ярыштылар.

 Балаларның  юлларда иминлеген тәэмин итү максатыннан мәктәпкә Р.З.Сәетова җитәкчелегендә вәкилләр килде. Алар тирән эчтәлекле чыгыш ясадылар. Радио  һәм телевидение хезмәткәрләре укучылардан интервью алдылар.

     Алдагыларыннан аермалы буларак, бүген һәр классның ата-аналары үз балалары укыган классларга гына җыелдылар.  Класс җитәкчеләре тәрбия темасына чыгыш ясадылар, балаларның яшь үзенчәлекләренә хас үзенчәлекләр белән таныштырдылар. 

 Тормыш иминлеге нигезләре укытучысы Марат Филүс улы Гыйльметдинов  мәктәбебездә хәрби-патриотик айлыкның ачылуын белдерде һәм айлыкта уздырылачак чаралар планы белән таныштырды. Укучыларны актив катнашырга чакырды. 

 Укучыларының сәламәтлегенә күзәтү ясау өчен, авылыбызның медигы  мәктәпкә килде. Укучыларга үз киңәшләрен бирде.

Смотр концертына әзерлек дәвам итә. Укучылар бию серләрен үзләштерәләр. Аларга уңышлар телибез!

  28 нче гыйнвар көнне район үзәгендә үздырылган башлангыч класслар арасында уздырылган “Алтын каләм” матур язу конкурсында  Н.Булатов, Р.Зарипов, Л.Исаева катнашты. Киләчәктә дә уңышлар телибез!

    26 нчы гыйнвар көнне Мари-Суксу мәктәбендә уздырылган "Ел класс җитәкчесе" бәйгесенең муниципаль этабында мәктәбебезнең башлангыч калсс укытучысы Чулпан Рифгать кызы уңышлы чыгыш ясады. Укучылар белән мастер-класс үткәреп, үз эшчәнлеген яктыртты.