Район күләмендә уздырылган мәгариф хезмәткәрләренең кышкы спартакиадасында мәктәбебезнең физкультура укытучысы Марат Филүс улы Гыйльметдинов дартста 1 нче урын алды. Аны җиңүе белән котлыйбыз.

Мәгариф хезмәткәрләренең кышкы спартакиадасында катнашып, М.Ф.Гыйльметдинов  турникта күтәрелүдә 2 нче урынга ия булды. Киләчәктә дә уңышлар юлдаш булсын!

   Мәгариф хезмәткәрләренең кышкы спартакиадасында катнашып, мәктәбебез командасы 6 нчы урын алды. Г.Р.Әхметова, Д.М.Гаязова, Г.М.Сәетова, Ч.Р.Шәвәлиева, М.Ф.Гыйльметдинов, Р.Р.Гайсин, Л.Р.Хәбирова, А.И.Ханнановаларга рәхмәтебезне белдерәбез. Киләчәктә җиңүгә ирешүләрен телибез.

 Игелек фонды “БлагоДарение” призларына район үзәгендә уздырылган чаңгы ярышында мәктәбебез егетләре дә катнашты.  Ф.Д.Гараев (7 нче класс) - 5, И.Н.Локманов (8 нче класс)  3 нче урын алдылар. Укытучылары М.Ф.Гыйльметдинов. Аларга киләчәктә дә уңышлар телибез. 

Мәктәбебезнең  4 нче класс укучысы Айзилә Айдар кызы Хәбирова Яр Чаллы шәһәрендә уздырылган "Чыршы бәйрәме"ндә катнашты. Аңа киләчәктә дә уңышлар телибез.

  Бүген мәктәптә педагогик киңәшмә уздырылды.  Тәрбия эшләре буенча директор урынбасары Алия Илнур кызы Ханнанова  "Укучыларга әхлак тәрбиясе бирү" темасына чыгыш ясады. Класс җитәкчеләре "Әхлак дәресләре" уздыруның әһәмияте турында сөйләделәр, Укыту-тәрбия эшләре буенча директор урынбасары Гөлсинә Мөдәрис кызы Сәетова 1 нче яртыеллыкта алынган контроль язма эш нәтиҗәләре белән таныштырды. Мәктәп директоры Гөлнара Рафаэль кызы Әхметова алда торган бурычларга тукталды.

Башлангыч класс укучылары "Хуш киләсең, Яңа ел!" исеме белән бәйрәм тамашасы уздырдылар. Уку алдынгыларына, рәсем ясау конкурсында призлы урын алган укучыларга бүләкләр тапшырылды, төрле уеннар һәм җыр-биюләрдә укучылар актив катнаштылар. Бәйрәмне әзерләгән башлангыч класс мөгаллимнәре Д.М.Гаязова һәм Ч.Р.Шәвәлиевага; мәктәп дирекциясенә рәхмәтебезне җиткерәбез. Яңа ел һәммәбезгә дә уңышлар, бәхет, сәламәтлек, иминлек, илебезгә тынычлык алып килсен иде.

23 нче декабрь көнне татар теле һәм әдәбияты укытучысы Ә.Р.Исрафилова 6 нчы класста "Күрсәтү алмашлыклары" темасына татар теленнән ачык дәрес уздырды. Укытучылар дәрескә уңай бәя бирделәр. 

 II чиректә башкарылган эшләргә йомгак ясау линейкасы уздырылды. Уңышлар барланды, алдагы чиреккә бурычлар билгеләнде. Физкультура укытучысы М.Ф.Гыйльметдинов иминлекне, сәламәтлекне саклау чаралары белән таныштырды.  

21-22 нче декабрь көннәрендә 9 нчы класс укучылары рус теле һәм математика фәннәреннән Казаннан килгән ТДИ биремнәре эшләделәр. Нәтиҗәләре уңай иде.