26 нчы апрельдә Такталачык ярдәмче мәктәбендә уздырылган тәрбия эшләре буенча директор урынбасарлары семинарында мәктәбебездән А.И.Ханнанова катнашты. Класс җитәкчеләре белән киңәшмә уздырды.

 26 нчы апрельдә "Балаларны яклау көне" уңаеннан мәктәптә укучыларны куркынычсызлык кагыйдәләре һәм  үзеңне, башкаларны коткару юллары белән таныштырды. Практик күнекмәләр ярдәмендә белгәннәрен ныгыттылар.

       25 нче апрельдә Балалар иҗат үзәгендә техние иҗат күргәзмәсе уздырылды. Мәктәбебезнең технология укытучылары М.Ф.Гыйльметдинов һәм Л.Р.Хәбирова, башлангыч класс укытучысы Д.М.Гаязова җитәкчелегендә башкарган кул эшләре тәкъдим ителде. Казан күргәзмзсенә алып бару өчен, берничә эш сайлап алынды.

   25 нче апрель көнне Актаныш гимназиясендә китапханәчеләрнең район күләмендә "Мастер-класс" бәйгесе уздырылды. Анда мәктәбебезнең укытучы-китапханәчесе Ә.Р. Исрафилова "Әдәби әсәр - саекмас рухи чишмә" темасына мастер класс күрсәтте. Бәйге нигезләмәсендә күрсәтелгән брошюра, листовка, истәлекне дә тапшырды. 

      Башлангыч класс укучылары мәктәп китапханәсеннән үзләре теләгән китапларны сайлап алдылар һәм  "Әсәр эчтәлеген иң матур сөйләүче" бәйгесенә әзерләнәчәкләр. Аларның җиңүен телибез!

     24 нче апрель көнне 9 нчы класс укучылары татар теленнән БРТ  формасында имтихан тапшырдылар. Нәтиҗәсе яхшы булсын дип телибез.

 22 нче апрельдә мәктәбебез укучылары һәм укытучылары мәктәп янын һәм юл буен чистартуда катнаштылар.

 Укучыларыбыз өлкәннәргә ярдәм итүләрен дәвам итәләр. 

18 нче апрель көнне  - мәктәптә рус теленнән 4-5 нче, 20 нче апрельдә 4 нчедә - рус теленнән, 5 нче классларда математикадан  Бөтенрәсәй тикшерү эше үткәрелде. Укучылар эшне уңышлы башкардылар. Укытучылары: Ч.Р.Шәвәлиева, Р.С.Галимҗанова, Э.Х.Садыйкова. Алдагы язма эшләрендә дә уңышлар телибез.

19 нчы апрельдә 2 нче санлы Актаныш урта мәктәбендә уздырылган Г.Тукай исемендәге шигырь укучылар конкурсында катнашып, А.Манихова, И.Яхин, С.Имамов уңышлы чыгыш ясадылар.