27 нче апрель көнне татар теле укытучысы Ә.Р.Исрафилова, олимпиадада катнашып, яхшы гына нәтиҗә күрсәтте. Эшендә уңышлар телибез.

 Мәктәптә өмә уздырылды. Укучылар һәм укытучылар тырышлыгы белән мәктәп яны чистарып калды. Актив катнашкан һәр кешегә рәхмәтебезне белдерәбез.

V Республикакүләм "Ветераннарның оныкчыклары Җиңүне ясыйлар" балалар рәсемнәре конкурсының район этабында үз иҗат эше белән катнашып, мәктәбебезнең  7 нче класс укучысы Д.Р. Акбулатова 3 нче урынга лаек булды. Аны җиңүе белән чын күңелдән котлыйбыз." Киләчәктә дә уңышлар юлдаш булсын иде" дигән теләктә калабыз. 9 нчы класс укучысы З.А.Хөсниярова да 6 нчы урын алды. Иҗади уңышлар телибез!

    Актаныш районы үзешчән сәнгать коллективлары һәм "Агыйдел" дәүләт җыр һәм бию ансамбле "Җиде тараф - җиде нур" дип исемләнгән иҗат – хисап концерт программасын Казан тамашачыларына  Г.Тукай исемендәге Татар Дәүләт Филармониясенең концертлар залында 28 апрельдә тәкъдим иттеләр. Кунакларны каршы алуда мәктәбебезнең 9 нчы класс укучысы З.А.Хөсниярова да катнашты.

 27 нче апрель көнне  - мәктәптә әйләнә-тирәдән  - 4 нче, биологиядән 5 нче классларда Бөтенрәсәй тикшерү эше үткәрелде. Укучылар эшне уңышлы башкардылар. Укытучылары: Л.Р.Хәбирова, А.Т.Рәхимова. Белемнәренең ныклы булуын телибез.

   26 нчы апрель халкыбызның сөекле шагыйренең тууына 131 ел тулу уңаеннан Ә.Р. Исрафилова башлангыч класс укучылары белән "Милләтемнең җырчы тургае" дигән КВН уздырды. Укучылар, кызыклы сорауларга җавап эзләп, үзара ярыштылар. С.Х.Камалетдинов (2 нче класс) - I; Р.Р. Шәймәрдәноов (4 нче класс) һәм Н.Р. Кашапова (2нче класс) - II;  А.А. Хәбирова (4 нче класс) - III урынга ия булдылар. 

  26 нчы апрельдә Такталачык ярдәмче мәктәбендә уздырылган тәрбия эшләре буенча директор урынбасарлары семинарында мәктәбебездән А.И.Ханнанова катнашты. Класс җитәкчеләре белән киңәшмә уздырды.

 26 нчы апрельдә "Балаларны яклау көне" уңаеннан мәктәптә укучыларны куркынычсызлык кагыйдәләре һәм  үзеңне, башкаларны коткару юллары белән таныштырды. Практик күнекмәләр ярдәмендә белгәннәрен ныгыттылар.

       25 нче апрельдә Балалар иҗат үзәгендә техние иҗат күргәзмәсе уздырылды. Мәктәбебезнең технология укытучылары М.Ф.Гыйльметдинов һәм Л.Р.Хәбирова, башлангыч класс укытучысы Д.М.Гаязова җитәкчелегендә башкарган кул эшләре тәкъдим ителде. Казан күргәзмзсенә алып бару өчен, берничә эш сайлап алынды.

   25 нче апрель көнне Актаныш гимназиясендә китапханәчеләрнең район күләмендә "Мастер-класс" бәйгесе уздырылды. Анда мәктәбебезнең укытучы-китапханәчесе Ә.Р. Исрафилова "Әдәби әсәр - саекмас рухи чишмә" темасына мастер класс күрсәтте. Бәйге нигезләмәсендә күрсәтелгән брошюра, листовка, истәлекне дә тапшырды.