“Рәсәйнең сәламәтлек укытучысы – 2017” конкурсының муниципаль этабында катнашу өчен мәктәбебезнең татар теле һәм әдәбияты укытучысы Ә.Р.Исрафилованың  эше җибәрелде. Аңарга уңыш телибез!

 Көзге уңыш җыюда укучылар һәм укытучыларыбыз актив эшләделәр куйдылар. Тырыш хезмәтнең нәтиҗәсен күрә бик күңелле. 

     Бөтенрәсәй сочинениеләр конкурсының муниципаль этабында катнашу өчен мәктәбебездән 2 укучының – А.М.Манихованың (6 класс), И.В.Имамовның (7 класс) иҗади эшләре җибәрелде. Аларга уңышлар телибез! Укытучылары: Р.С.Галимҗанова.

 Актанышта узган “Милләтләр кроссы – 2017” дә катнашып, мәктәбебез директоры Гөлнара Рафаэль кызы Әхмәтованы   II урын алуы белән котлыйбыз! "Киләчәктә дә уңышлар юлдаш булсын иде" дигән теләктә калабыз. 

    15 нче сентябрь көнне районда чәчәк бәйрәме уздырылды. Мәктәбебез "Туган җирем - гөлбакча" исемле панно әзерләде. 8 нче сыйныф укучысы Миләүшә Фазлыева "Чәчәкләр алиһәсе"  бәйгесендә катнашты. Үз хезмәтләрен куйган укытучыларыбыз һәм укучыларыбызга рәхмәтебезне белдерәбез.

 Әлеге кросста мәктәбебезнең укытучылары һәм укучылары актив катнаштылар. Киләчәктә аларга уңышлар телибез!

15 нче сентябрьдә  драматург, театр эшлеклесе, актер, режиссер, ТАССРның атказанган артисты Кәрим Тинчуринның тууына 130 ел (1887–1938) тулды. Шул уңайдан  укучыларны тормышы, язмышы, иҗаты белән таныштыру уздырылды. 

  Бүген ата-аналар җыелышы уздырылды. Узган уку елы нәтиҗәләре һәм быелгысына бурычлар билгеләнде. Авыл фельдшеры Э.Вәлиева гриппка каршы көрәш чаралары турында аңлатты.

Дежур класс укучылары тарафыннан дәреслекләрнең тотылышына күзәтү ясалды. Кимчелекләр күзәтелмәде. 

Юл йөрү кагыйдәләрен искә төшерү максатыннан, укучылар белән әңгәмә уздырылды. Сорауларга җавап эзләнде.