Укучыларыбыз математикадан БДИ тапшыралар. Аларга уңышлар юлдаш булсын иде!

 Бүген 1 укучыбыз сайлаган фәннән имтихан тапшыра. Аңа уңышлар телибез! 

 Бүген педагогик киңәшмә уздырылды. Укучыларны алдагы класска күчерү турында класс җитәкчеләренең чыгышлары тыңланды. Җәйгә бурычлар билгеләнде.

  Класс җитәкчеләре җәйге каникулда укучыларның иминлеген саклау, куркынычсызлык кагыйдәләрен үтәү, практиканы үз вакытында башкару турында үзләреннән һәм әти-әниләреннән имзалар алдылар. Класс җыелышларында еллык эшләргә йомгак ясалды. Укучыларның каникулны файдалы уздыруларын, һәммә кешенең сау-сәламәт һәм шат күңелле булуларын телибез.

9 нчы класс укучылары бүген рус теленнән имтихан бирәләр. Аларга уңышлар телибез! 

  Мәктәбебезнең 7 нче класс укучылары: Д.Р.Акбулатова, Ф.Ф.Басыйров, Ф.Д.Гараев, С.В.Имамов, С.С.Шакиров паспорт алдылар. Аларның үрнәк гражданнар булуларын, теләкләренең тормышка ашуларын телибез.

 26 нчы май көнне башлангыч класс укучылары укытучылары: Д.М.Гаязова, Ч.Р.Шәвәлиева җитәкчелегендә экскурсиягә бардылар. Төрле уеннар уйнап, табигатебез турында белгәннәрен ныгыттылар.  Күңелле сәяхәттән һәр бала күтәренке кәеф белән кайтты. 

 26 нчы майда мәктәбебезнең татар теле һәм әдәбияты укытучысы Ә.Р.Исрафилова Галимҗан Баруди иҗатына багышланган II Бөтендөнья контроль эшендә катнашты. Уңышлы чыгыш ясап, сертификатка ия булды.

   Мәктәбебезнең 6 нчы класс укучысы Р.Р.Гайсин, ГТО нормаларын үтәп, Бронза дәрәҗәсендәге значок һәм таныклык белән бүләкләнде. Аны җиңүе белән котлыйбыз, киләчәктә дә уңышлар телибез. Укытучысы: М.Ф.Гыйльметдинов. Укучыларның һәммәсе дә шундый дәрәҗәгә ирешсеннәр иде.  

  Уку, сәнгать, олимпиада, конкурслар, спортта ирешкән уңышларын искә алып, мәктәбебезнең "Ел укучысы - 2017" билгеләнде. Мактаулы исемгә 4 нче класстан - А.А.Хәбирова, 7 нче класстан Д.Р.Акбулатова лаек булдылар. Мактау кәгазе һәм премия белән бүләкләнделәр. Киләчәктә дә алдынгы булуларын һәм башка укучыларның да тырышлыкларын  арттыруларын телибез.