26 нче декабрь көнне гимназиябездә “Чыршы бәйрәме” үткәрелде. Биредә 1 нче сыйныфтан башлап 4 нче сыйныфка кадәрге укучылар катнашты. Бәйрәм барышында балалар берничә командага бүленеп төрле кызыклы уеннарда катнашты. Нәтиҗәдә, кайсы команда күбрәк балл җыйган, шул җиңүче булып калды.

Бирегә Яңа елның төп кунаклары – Кыш бабай белән Кар кызы да килделәр, алар укучыларга күчтәнәчләр тараттылар, балалар белән  төрле уеннарда катнаштылар, биеп-җырлап чыршы тирәли әйләнделәр. “Чыршы бәйрәме” балаларның күңеленә хуш килде, алар Яңа ел, кышкы каникуллар алдыннан гимназиядә дә күңелле итеп ял итеп киттеләр.  

Гимназия үзидарәсе әгъзалары бүген бәйрәм залын һәм чыршы бизәүдә актив катнаштылар. Яңа ел бәйрәменең төп бизәге – яшел чыршы бәйрәм залында үз урынын алды.

Россия Федерациясе Мәгариф министрлыгы карары нигезендә ел саен педагоглар арасында "Ел укытучысы" бәйгесе уздырыла.

21 нче декабрьдә "Ел укытучысы - 2023" бәйгесенең Вахитов һәм Идел буе районы укытучылары арасында үткәрелгән турына йомгак ясалды. Гимназиябез укытучылары, бәйгенең барлык этапларында да уңышлы чыгыш ясап, зур уңышларга ирештеләр. Җәләева Гөлүзә Азатовна " Туган тел һәм әдәбияты" номинациясендә I урынга, Нуриева Алсу Рамилевна  "Педагогик дебют" номинациясендә II урынга лаек булды. Укытучыларыбызны зур җиңүләре белән котлыйбыз, иҗади уңышлар телибез!

Гимназия сәхнәсе бүген шау-гөр килде. “Умырзая” театр түгәрәгенә йөрүче укучылар Г.Камалның “Беренче театр” спектаклен тәкъдим иттеләр. Һәр бала үзенең ролен оста итеп башкарып чыкты. Спектакль тамашачылар тарафыннан җылы кабул ителде

Бүген гимназиядә 1 - 8 нче сыйныфлар арасында “Үз кулларың белән ясалган Яңа ел костюмы” бәйгесе үтте. Бәйгедә катнашучылар жюрига төрле материаллардан үз куллары белән эшләнгән костюмнар тәкъдим иттеләр.  Костюмнар һәрберсе үзенчәлекле һәм зәвыклы итеп эшләнгән иде.

Гимназиябездә Яңа ел бәйрәменә багышланган бәйгеләр дәвам итә. Чираттагы бәйге - “Иң матур чыршы уенчыгы” кул эшләнмәләре бәйгесе иде. Уенчыкларның һәрберсе үзенчәлекле, зәвык белән эшләнгән. Әлеге кул эшләреннән күргәзмә оештырылды.

Гимназиядә шау-гөр килеп, иң могҗизалы бәйрәмнәрнең берсе - Яңа елга әзерләнү бара.

Бүген исә “Иң матур бизәлгән сыйныф бүлмәсе” бәйгесе узды. Эшләргә урыннар бирелде.

Яңа ел бәйрәме якынлашу белән гимназия җанлана, бәйрәмгә әзерләнә башлый. Укучылар игълан ителгән төрле чараларга әзерләнәләр, күп фәннәрдән контроль эшләр эшлиләр.
Шундый кызыклы чараларның берсе Яңа ел бәйрәменә багышланган стена газеталары бәйгесе. Һәр сыйныф бергәләшеп, укытучыларны һәм укучыларны яңа ел белән котлап матур газеталар эшләделәр. Һәр сыйныф үзенә бер юнәлешне максат итеп алган. Кемдер гимназияне котларга теләгән, кемдер яңа ел бәйрәмен рәсемнәрдә күрсәтергә тырышкан, кемдер үзенчәлекле идеялар белән шаккаттырырга теләгән. Барлык эшләр дә бик матур. Афәрин!

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Ватан батырлары көне” дигән темага фикер алыштылар.

9 декабрь – Ватан геройлары көне.

Батырлар көнен бәйрәм итү традициясен кире кайтару – ул бабаларыбызның батырлыгын искә алу гына түгел, ә Советлар Союзы Геройларын, Россия Геройларын, Изге Георгий һәм Дан орденнары кавалерларын хөрмәтләү дә.

Шул уңайдан гимназиябездә “Безнең заман геройлары” исемле иншалар бәйгесе үтте. Укучыларның эшләре бәяләнде.