Һөнәр - ул кеше хезмәте һәм эшчәнлегенең төп төре.

Һөнәр сайлау – кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлау бик авыр. Бу хакта 14-15 яшьтән үк уйлана башларга кирәк. Тора-бара яңа теләк-хыяллар барлыкка килергә мөмкин.

Гимназиябездә дә һөнәрләр темасы белән бәйле төрле чаралар, бәйгеләр үткәрелә.

Бүген 5-11 нче сыйныф укучылары арасында “Һөнәрләр дөньясында” бәйгесе үткәрелде. Газеталардан күргәзмә дә эшләнде.

Иҗат ул – тылсым! Иҗади сәләт һәр кешедә дә бар. Бары тик аны үстерергә генә кирәк.

Шул максатны күздә тотып, гимназиябездә татар телендә шигырь һәм җыр бәйгесе үткәрелде. Һәр сыйныф жюри игътибарына матур сәхнә номерлары тәкъдим итте.

Бүген 8 нче  сыйныф укучылары “Россия – минем тарихым” мультимедиа тарихи паркында экскурсиядә булып кайттылар. Бу парк Россия тарихы буенча "тере дәреслек" булып тора. Ул дөньяда борынгы заманнардан безнең көннәргә кадәр илебез тарихын чагылдырган бердәнбер мультимедиа комплексы. Әлеге экскурсия укучыларыбызга илебез тарихы турында белемнәрен тагын да ныгытырга ярдәм итте.

Бүген 7 нче сыйныф укучылары Халыклар дуслыгы йортында үткәрелгән “Дуслык һәм килешү дәресендә” катнаштылар.

Укучылар сорауларга җавап биреп, кызыклы биремнәр башкардылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Дөньяда Россиянең роле” дигән темага фикер алыштылар.

Бүген гимназиядә опера җырчысы Ф. Шаляпинга багышланган радиоэфир узды. Алып баручылар озын тәнәфесләрдә җырчының тормыш юлы һәм иҗаты турында сөйләделәр. Радио тыңлаучыларга аның башкаруында җырлар тәкъдим ителде.

Бүген гимназиядә опера җырчысы Ф. Шаляпинга багышланган радиоэфир узды. Алып баручылар озын тәнәфесләрдә җырчының тормыш юлы һәм иҗаты турында сөйләделәр. Радио тыңлаучыларга аның башкаруында җырлар тәкъдим ителде.

Бүген 4 сыйныфта күренекле опера җырчысы Федор Шаляпин тормыш юлы һәм  иҗаты буенча ачык дәрес үтте.  Укучылар җырчының тормыш юлы белән тирәнтен таныштылар , җырларын тыңладылар.

Бүген шәһәребезнең Горьки-Әмәт урманында Бөтенроссия чаңгыда узышу ярышы үтте. Әлеге чарада гимназиябез укучылары да катнашты.

Бүген гимназиядә “Алло, без талантлар эзлибез” бәйгесе үткәрелде. Һәр теләгән укучы актлар залында иҗади осталыкларын күрсәтте. Киләчәктә иң яхшы номерлардан концерт эшләнәчәк.