Табигатькә игътибарлы булу, әйләнә-тирә мохитне чиста тоту – һәрберебезнең бурычы ул. Безнең укучылар да бүген, 23 апрель көне, гомумшәһәр өмәгә кушылып, гимназиябез территориясен җыештырдылар.

Бүген 8 нче А сыйныфы укучылары “Россия – минем тарихым” мультимедиа тарихи паркында экскурсиядә булып кайттылар. “Россия – минем тарихым” тарихи паркы – Россия тарихы буенча "тере дәреслек" булып тора. Ул дөньяда борынгы заманнардан безнең көннәргә кадәр илебез тарихын чагылдырган бердәнбер мультимедиа комплексы. Әлеге экскурсия укучыларыбызга илебез тарихы турында белемнәрен тагын да ныгытырга ярдәм итте.

Гимназиядә, 1-5 сыйныф укучылары арасында, “Г.Тукай әсәрләрен сәхнәләштерү” буенча бәйге үтте. Бәйгедә катнашучы һәр сыйныф шагыйрьнең әсәрләрен үзенчәлекле итеп жюрига җиткерә алды. Чыгышның музыкаль бизәлешен, костюмнарның туры килүе һәм башкару осталыгына карап, жюри җиңүчеләрне билгеләде.

Бүген башлангыч сыйныфларда юл йөрү кагыйдәләре буенча чара үтте. Чараның кунагы юл йөрү кагыйдәләрен пропагандалау буенча инспектор Мозаффарова Зөлфия Вагизовна иде. Гимназиядә эшләп килүче “Яшь инспекторлар” отряды белән берлектә, алар укучыларны юл йөрү кагыйдәләре белән таныштырдылар.

Татар шигърияте күгендә якты йолдыз булып янган сөекле шагыйребез Г.Тукайның әсәрләре халкыбызның горурлыгы булып тора. Апрель аенда гимназиябездә шагыйрьнең туган көненә багышлап бик күп чаралар оештырыла. Бүген бездә “Г.Тукай шигырьләрен иң яхшы сөйләүче” бәйгесе үтте.

Гимназиядә татар теле һәм әдәбияты, җәмгыять белеме, сәнгать, музыка фәннәре ункөнлеге кысаларында үтүче чаралар дәвам итә. Һәр көне укучылар радиода кызыклы темаларга чыгыш ясыйлар. Алар “Г. Тукай турында кызыклы фактлар”, “Г. Тукай һәм музыка”, “Яңа Татар бистәсе тарихы” дигән темаларга тулы мәгълүмат җиткерделәр.

“Урок цифры” проекты кысаларында 5 нче сыйныфларда “Кушымталарны тиз эшләү” (“Быстрая разработка приложений”) дигән темага дәрес үтте. Видеолекцияләр ярдәмендә укучылар цифрлы кушымталар кайда кулланыла, нәрсә ул low-code һәм кушымталар эшләүчеләр нәрсә белергә тиеш дигән сорауларга җавап таба алдылар.

Бүген, 20 нче апрель көнне, “Илһам” бөтенроссия яшь язучылар бәйгесенең бүләкләү тантанасы узды. Гимназиябезнең 8 нче сыйныф укучысы Фәттахова Камилә “Илһам” Бөтенроссия яшь язучылар бәйгесендә лауреат булды. 9 нчы сыйныф укучысы Әхәтова Айгизә 3 урынга лаек булды. Укучы кызларыбызга киләчәктә дә иҗади уңышлар теләп калабыз!

Гимназиядә Г.Тукай әсәрләре буенча рәсем бәйгесе үтте. Иң яхшы дип табылган рәсемнәр Казан шәһәренең "Г. Тукай мәйданы" метро станциясендә эленәчәк. Ә калган рәсемнәрдән гимназиядә күргәзмә оештырылды.

"Хезмәт батырлыгы шәһәре" проекты кысаларында гимназиябез укучылары бүген Казан шәһәрнең "Точмаш" заводында экскурсиядә булдылар. Биредә алар предприятиенең музеенда заводның үткәне һәм бүгенгесе белән таныштылар. Шулай ук предприятие буйлап сәяхәт кылдылар.