Дәресләрдән соң балаларның вакытын файдалы үткәрүгә мөмкинлек күп. Быел мәктәптә эшләүче түгәрәкләр саны артты. Район балалар иҗат үзәгеннән сәхнә яратучылар өчен драма түгәрәге, кызлар өчен "Оста куллар", иҗади сәләтле балалар өчен "Каурый каләм" түгәрәкләре  эшләячәк. Яңалык булып мәктәптә 1-9 класслар өчен бию дәресләре кертелә. ДООЦтан  үткәрелә торган "бадминтон", шахмат  түгәрәкләренә сәламәтлекләрен ныгытырга, уйлау, фикерләү сәләтләрен үстерергә теләүче балалар кызыксынып язылалар.

Мәктәп яны тәҗрибә участогыннан уңыш җыю дәвам итә. Помидор, кыярдан салатлар, җиләк-җимештән ясалган кайнатмалар һәркөнне менюга кертелә. Үз көчләре кереп үстерелгән ризыкның тәме дә татлырак!

Быелгы уку елында һәрбер укытучыга ноутбуклар бирелде. "Электронное образование" да эшләү өчен укытучыларга, укучыларга һәм ата-аналарга логин-парольләр эшләнде. Һәр укытучы "Личный кабинет"ына үзе турында мәгълүматны урнаштырды. Бүгенге көндә электрон журналлар тутыру буенча эш бара.

   Бүген мәктәбебездә Белем бәйрәме булып узды. Балалар мәктәпне сагынып янәдән мәктәпкә җыелдылар. Бәйрәмдә мәктәп директоры Зәйнәгыев Н.М., районыбыз кунаклары чыгыш ясап, укытучыларны һәм укучыларны котладылар, эшләрендә һәм укуларында уңышлар теләделәр. Яңа уку елы яңа уңышлар алып килсен иде

Лагерьда бүген "Су көне" иде. Шунлыктан балалар барысы да зәңгәр төстән киенеп килгәннәр. Алар шулай ук урман модасы күрсәттеләр, Габдулла Тукай иҗаты буенча презентация карадылар. "Югалган предметлар" уены балаларга аеруча нык ошады.

Бүген "Кыңгырау"да балаларга "Спорт-тайм" уенын уйнау бик ошады. Алар бу уенда җитезлекләрен генә түгел, актёрлык сәләтләрен дә сынадылар. Көн дәвамында музыка укытучысы Маметова М.Р. белән яңа җырлар өйрәнделәр, "Иң кызыклы кошлар" конкурсында катнашып, урыннар яуладылар.