Бүген мәктәбебездә өстәмә белем бирү педагоглары өчен семинар булып узды. Көн дәвамында килгән кунаклар "Оста куллар" һәм "Хореография" түгәрәкләре җитәкчеләре күрсәткән дәресләрне карадылар. Дәресләрдән соң "Самими балачак" дип исемләнгән ачык чара күрсәтелде. Ул телевизион тапшыру формасында оештырылды. Тапшыруга түгәрәк җитәкчеләре чакырылган иде. Гарипова А.С., Фаваризова Р.Т., Зиннатова Э.Ш., Габдрахманова Р.М. үзләренең эшчәнлекләре белән таныштырдылар. Чара балаларның матур чыгышлары белән үрелеп барды.

Бүген 1 нче декабрь. Кыш айларына да килеп кердек. Беренче кар төшү белән, бала-чага чана-чаңгы тотып урамга ашыга. Мәктәбебезнең I сыйныф укучылары  бүген үзләренең чаңгы сезонын ачып җибәрделәр. Үзләре кечкенә генә булсалар да, бик оста шуалар икән! Сыйныф җитәкчеләре Ханнанова А.С. алардан бик канәгать!

Бүген, 26 нчы ноябрь көнне мәктәбебездә Әниләр көне булып узды. Әниләргә багышланган инша, шигырь, презентация конкурсына нәтиҗә ясалды. Җиңүчеләргә грамоталар тапшырылды һәм  әниләре бәйрәм кичәсенә чакырылды. Кичә укучыларның матур җыр-биюле чыгышлары белән дәвам итте.

22 нче ноябрь көнне балалар иҗат үзәгендә  М.Мозаффаровның 110 еллыгына багышлап үткәрелгән "Дулкыннар" конкурсында укучыларыбыз катнашып, уңышлы чыгыш ясадылар. 7 класс укучылары Махмутова Гөлшат һәм Хайртдинова Гүзәл вокал-соло номинациясендә "Саумы кояш!" җырын башкарып 1 урынга (җит.Маметова М.Р.), Зайнагиева Зәлинә рәсем номинациясендә "Җиләк җыйганда" әсәренә картинасы белән 3 урынга (җит. Гарипова А.Р.) лаек булдылар. Алар грамоталар һәм сертификат белән бүләкләнделәр.