Бүген мәктәбебездә хезмәт һәм сәнгать атналыгы башланып китте.План нигезендә технология фәне укытучысы Ногъманова Р.Р.5-11 нче сыйныф укучылары өчен "Һөнәрләр илендә" дип исемләнгән кичә-тамаша үткәрде. Кичә барышында укучылар бүгенге көндә көн кадагында торган һөнәрләр белән таныштылар.Әлеге кичә укучыларга хезмәт һәм профориентация тәрбиясе бирү буенча отышлы булды.

Укучылар ел дәвамында үзләренә беркетелгән хезмәт һәм тыл ветераннарына,ялгыз яшәүчеләргә ярдәм итәләр. Алар әлләни зур эшләр башкармасалар да ,өлкәннәрнең хәл белеп китүеннән күңелләре була.7 нче сыйныф укучылары Мөхәммәт абый һәм Флера апалар янында булып кайттылар.

Тарих фәне атналыгы кысаларында 14 март көнне башлангыч класс укучылары өчен "Туган җирем- Татарстан" дигән темага интеллектуаль уен үткәрелде. Әлеге уен барышында укучылар Казан шәһәренең истәлекле урыннары, татар халкының милли ризыклары, киемнәре белән таныштылар.

Китапханәче Гильманова А.Н.   "Чишмәкәй" балалар берлегенең уку юнәлеше җитәкчеләре белән "Чиста китап операциясе" уздырдылар. Алар укучыларның китап -дәфтәрләренең чисталыгын, тышланышын, сакланышын тикшерделәр. Шунысы куанычлы, укучылар китап -дәфтәрләр сакланышына бик җаваплы карыйлар икән. Булган кимчелекләр көнендә төзәтелде.   

Мәктәптә тарих һәм иҗтимагый фәннәр атналыгы бара. Шул уңайдан 11 март көнне тарих һәм җәмгыять белеме укытучысы Марданова С.Х. «Тарихи викторина », ә 12 март көнне  «Яшь тарих белгечләре» дигән бәйге үткәрде. Бәйгедә 10 нчы класс укучысы Сабиров Рамиль иң күп балл җыеп, җиңүче дип табылды.

Хөрмәтле хатын-кызлар!

Сезне чын күңелебездән Халыкара хатын-кызлар көне белән  котлыйбыз! Барасы юлларыгыз якты, туасы көннәрегез аяз, сәламәтлегегез нык, гомерегез озын, гаиләләрегездә тигезлек, иминлек   булуын телибез.

Кем сокланмас шушы гүзәллеккә!

Кем сөенмәс күреп яз ямен!

Иң зур бәхет-дуслык, тынычлыкта

Каршы алу язлар бәйрәмен!

7 март көнне башлангыч сыйныф укучылары һәм әти-әниләр катнашында "Гаилә бәйрәме" булып узды. Бәйрәм барышында балалар белән бергә әти-әниләр дә төрле уен-ярышларда көч сынаштылар. Тамаша концерт номерлары белән үрелеп барды  Бәйрәм әти-әниләргә һәм балаларга бик ошады.    

7 март көнне "Чишмәкәй " балалар оешмасының сәнгать юнәлеше җитәкчеләре мәктәптәге барлык хатын-кыз укытучыларны, техник хезмәткәрләрне, укучыларны радио аша бәйрәм белән котладылар. Аларга алдагы хезмәтләрендә зур уңышлар, саулык-сәламәтлек, гайлә бәхете, укучыларга укуларында иҗади уңышлар теләделәр. Теләкләрне матур җыр һәм шигырь юллары аша җиткерделәр.

«Перспектива»үзәге оештырган “Озын тәнәфес” исеме астында үткәрелгән рус әдәбияты фәненнән олимпиада да катнашып 8 нче сыйныф укучысы Джуманова Алинә 3 урынга лаек булды.

Җитәкчесе: Д.Г.Гыйлметдинова.

8 март - Халыкара хатын-кызлар көне уңаеннан 5-7 сыйныф укучылары арасында "Ягез әле, кызлар!" бәйгесе булып узды. Бәйге барышында кызлар үзләренең аш-су әзерләүгә осталыкларын, җыр биюгә булган сәлатләрен  күрсәттеләр. "Иң оста кыз", "Иң тапкыр кыз", "Иң җитез кыз", "Иң сөйкемле кыз", "Иң уңган кыз", "Иң иҗади кыз"  номинацияләрендә җиңү яуладылар. Молодцы кызлар!