15 нче май көнне балалар тәрбияче апалары белән берлектә су буена экскурсиягә бардылар. Агачлар, үсемлекләр тормышында кояшның әһәмияте, үсемлекләрнең үсеше, табигатьтәге үзгәрешләр һәва торышына бәйле булуы турында әңгәмә алып барылды. Балаларга агачларның, үсемлекләрнең кешеләр тормышындагы әһәмиятен турында сөйләнелде. Балаларның фикерләү сәләтен үстерү максатыннан сораулар да бирелде. Мәсәлән: Ни өчен кошлар агачка куналар? Әгәр бакчада агачлар булмаса кошлар булыр иде микән? Кешеләргә агачлар, кошлар, үсемлек, чәчәкләр кирәкме, ни өчен? Урманда нәрсәләр яши? Ул җәнлекләрдә ел фасылы үзгәрү белән нинди үзгәрешләр була? һ.б. Беренче чәчәкләргә игътибар юнәтелде. Күзәтү үги-ана яфрагының чәчәгеннән башланды. Сирәк очрый торган үсемлекләр белән дә таныштырылды. Аларны танып белү, исемнәрен әйтә белүләре, ни өчен чәчәк бәйләме итеп үсемлекләрне җыярга ярамаганлыгы турында тәрбияче апалар тарафыннан бик яхшылап аңлатылды. Бергәләп кагыйдәләр чыгардылар: Урманда, бакчада чәчәкләрне өзмәскә, аның матурлыгына сокланырга; агачларның, куакларның ботакларын сындырмаска, яфракларын өзмәскә! Кошлар һәм җәнлекләрне куркытмаска! Табигатьне пычратмаска! Әлеге чара белән тәрбиячеләр туган як табигатенә мәхәббәт тәрбияләүне дәвам иттеләр, табигать кочагында үзеңне дөрес тоту, җир-суны пычратмау, яшеллекне һәм җан ияләрен, кырмыска ояларын саклау кирәклеге турында искә төшерделәр һәм ныгыттылар. Соңыннан балалар су буендагы чүпләрне җыйдылар. 

Бөек Җиңүнең 68 еллыгып искә алу уңаеннан бакчабызда тәрбияләнүче балалар да бүген һәйкәл янына бардылар, үз куллары белән ясаган чәчәкләрне куйдылар. Өйрәнгән шигырьләрен сөйләделәр, җырларын җырладылар. Истәлек өчен фотога төштеләр.

 Бөек җиңү белән Сезне! Күгебез гел шулай аяз һәм тыныч булсын!

  7 нче апрель көнне 5 нче һәм 6 нчы сыйныф укучылары бакчабызга кунакка килеп, "Табигать могҗизалары" дигән тема астында бик эчтәлекле чыгышлар ясадылар, презентация күрсәттеләр, Кызыл китапка кертелгән үсемлек һәм җәнлекләр белән таныштырдылар. Үсемлекләр, кошлар, җәнлекләр һәм гомумән, табигатькә карата сакчыл караш тәрбияләргә тырыштылар. Балалар бик кызыксынып тыңладылар һәм карадылар. Мәктәп укучыларына һәм әлеге чараны оештыручыларга бик зур рәхмәтләребезне  җиткерәбез. Мәктәп укучыларын тагын кунакка чакырып калабыз!

Мәктәп укучылары белән бергәләшеп...

 Бакчабызда 20 нче, 27нче апрель һәм 5 нче май көннәрендә өмәләр булды. Тәрбияче апалар бар җирләрне дә җыештырдылар, чистарттылар. Инде җирне эшкәртеп, яшелчә һәм чәчәкләрне генә утыртасы калды.

  Балаларны саклау һәм куркыныч хәлләрне булдырмый калу өчен Эзмә "Саф чишмә" балалар бакчасында төрле чаралар үткәрелде:

-әти-әниләргә аңлату эшләре алып барылды, инструкцияләр үткәрелде;

-чит-ят кешеләрдән сак булырга кирәклеге турында участковый Хабибуллин Фәнил Фоатович һәр тәрбияче белән аерым сөйләшүләр алып барды, тәфсилләп аңлатты;

-балаларга да чит-ят кешеләр белән аралашырга ярамаганлыгы, әти-әниләрдән сорамыйча урамга чыгып китәргә ярамаганлыгы, куркыныч туган очракларда үзеңне ничек тотарга кирәклеге турында тагын бер тапкыр искә тошерелде, аңлатылды. 

 Бар күңеллелек бөтен дөньяда, бар бер ямь бүген.

 Нәрсәдән бу? - Мин беләм: Бәйрәм бүген, бүйрәм бүген!

       Быел да Габдулла абый Тукайны искә алырга Эзмә мәдәният йортына бардык. Мәдәния хезмәткәрләре Гөлшат апа белән Нуршат абыйлар ачык йөз белән каршы алдылар. Шигырьләр сөйләп, җырлап, уйнап-көлеп, чын күңелдән Тукай абыйны искә алып, бәйрәм үткәреп кайттык. Мәдәният хезмәткәрләре балаларны сөендереп, истәлекле бүләкләр дә тапшырдылар. Рәхмәт бәйрәмне оештыручыларга, тәрбияче апаларга һәм матур, сәнгатьле итеп шигырь сөйләгән балаларга!