Бакчабызның өченче Чыршы бәйрәме зурлар төркемендә булды. Бәйрәм тамашасына урман аланыннан куяннар да, Убырлы да, аның кызы Сәрби дә кунакка килгән иде. Балалар өчен бу чыннан да тамаша булды! Кыш бабай белән Кар кызына балалар үз һөнәрләрен күрсәттеләр: биеделәр, җырладылар, шигырьләр сөйләделәр, бергәләшеп күңел ачтылар. Бәйрәм ахырында балаларга бүләкләр, яулап алган грамоталары тапшырылды.

Сәрби белән Убырлы

Малайлар башкаруында Куяннар биюе

  Бакчабызда  якынлашып килүче бәйрәмгә ныклап әзерләнүләр бара. Бигрәк тә кечкенәләр төркемендә.

  Зурлар төркеме дә бәйрәмгә әзерләнә.

  Биек-биек тау битендә

  Чана шуып уйныйбыз.

  Ярышабыз, узышабыз,

  Матур җырлар җырлыйбыз!

  Россия күләмендә үткәрелгән "Минем яраткан мультфильмым" темасына ясалган рәсемнәребезне җибәреп,  24 баланы тәбрикләп грамоталар кайтты. Әлеге грамоталар балаларга 29 нчы декабрьдә үткәреләчәк Чыршы бәйрәмнәрендә тапшырылачак.

  Әти-әниләр белән бергәләшеп кардан "Тиремкәйдә Яңа ел" тематикасы астында бик матур сыннар ясадык. Гади сыннар гына түгел, ә балаларга урамга чыккач шуып уйнардай таулы сын да булдырдык. Рәхмәт, эштән арып кайтып кичтән килеп әлеге өмәдә катнашкан барлык әти-әниләргә дә, тәрбияче апаларга да! 

  Һәр кеше үз көченнән килгәнчә тырышыты.

  Сын ясаудан күренешләр