Саф һавада булу балаларны сәламәтләндерү формаларының берсе булып тора.
Нинди генә һава торышы булмасын, саф һавада булу балалар өчен бик файдалы. Урамда балалар табигатьне күзәтә, күзаллавын үстерәләр, хәрәкәтле уеннар уйнап чыныгалар.
Саф һавада уйнау физик сәламәтлек өчен генә түгел, күңел күтәренкелеге өчен дә бик файдалы.

Атналык темага нигезләнеп,без 1нче кечкенәләр төркеме балалары белән тузганак чәчәге белән таныштык. Язгы табигатьнең матурлыгына сокландык, балар бакчасы ишегалдында үсеп утыручы тузганакның хуш исен иснәдек, чәчәккә кунган бал кортларын күзәттек,тузганак чәчәчгенең файдасы турында өйрәндек. Табигатьтәге ялдан балалар бик кәнәгать калды.

28 май көнне бакчабызның мәктәпкә хәзерлек төркеменең "Синяя птица" дип исемләнгән чыгарылыш кичәсе булды. Балалар әлеге кичәгә ныклап әзерләнделәр: матур җырлар, күз явын алырлык мавыктыргыч биюләр, шигырьләр өйрәнделәр. Дулкынландыргыч та, моңсу да, шул ук вакытта күңелле дә булган бу чара бик мизгел эчендә үтеп тә китте. Шулай ук үз эченә кызыклы биремнәр, скетчларны алган проекттан әти-әниләр дә кәнәгать калдылар.

Сегодня мы с детьми средней группы поговорили о возможностях музыки не только выражать и передавать переживания людей, звуки окружающего нас мира, но об умении " рисовать" окружающий нас мир.

Беренче кечкенәләр төркеме белән әйләнә тирә дөнья шөгылендә "Ком һәм аның үзлекләре"  темасын үттек. Максат: Балалар белэн комны тотып, иснэп, уйнап карау. Балаларга коры һәм юеш ком турында мәгълүмат бирү. Балалар комны тотып төрле формаларга  салып ясап карадылар. Шөгыль балаларга ошады.

Бакча белән саубуллашу көне килеп җитә барган саен, мәктәпкә әзерлек төркеме балалары өчен бакчабызда үткәргән иң рәхәт мизгелләр булуын, якын дусларының кадерле булуын  күберәк  тоялар. Сабыйларыбызның бакчабызда  үткәргән  бәхетле балачагы истәлек булып хәтерләрендә калыр мөгаен!

Куркынычсыз спорт төреннән саналган бадминтон ракеткасы тотып уйнау зурлар төркемендә оештырылды. Бадминтон уены    сетканың ике ягында берберсенә капма каршы торган ике уенчы  арасында уйнала. Уенның асылы воланны һавада озаграк саклап тора алуда. Уен барышында ике яклап төрле тизлектә очкан воланны күзәтү күз мускулларын, организмны ныгыта.Шуңа күрә без җәй көне балалар белән саф һавада йөреп спорт белән шөгыльләнәбез.

Балаларда уеннарга кызыксыну уяту, халкыбызның йолаларын саклап калу теләге формалаштыру максатыннан уртанчылар төркеме "Чума үрдәк, чума каз" уены уйналды.

Рәсем мәктәпкәчә белем бирү системасында зур әһәмияткә ия. Рәсем ясау барышында мәктәпкәчә яшьтәге балаларда күзәтүчәнлек, эстетик тәрбия, сәнгать тәме, иҗади сәләт формалаша. 

Беренче кечкенәләр төркеме балалары белән буш вакытларыбызда дидактик уеннар уйныйбыз.Буген без пазллар төзедек. Балалар бирелгән кечкенә фрагментлардан билгеле бер картина төзеделәр.Мондый уеннар хәтер, вак кул маторикасын, фикерләү сәләтен үстерә.