3А сыйныфында кунакта Шиһабетдин Мәрҗани исемендәге Тарих институтының этнологик эзләнүләр бүлеге фәнни хезмәткәре Шәфикова Динә Фасыховна булды. Динә Фасыховна укучыларны татар халкының милли- мәдәни үзенчәлекләре белән таныштырды.

Гимназиябез укучылары Хөсәенов Әмирхан (1А), Зиганшин Камил (1А), Гәрәева Сәмирә (2А) һәм Гәрәева Сәйдә (3А) "ШАЯН ТВ" каналында "Тукай оныклары" тапшыруында шигырьләр сөйләп кайттылар. Афәрин, укучылар!!!

Гимназиядә һөнәри юнәлеш буенча һәрдаим эш алып барыла. 2023 нче елның чыгарылыш сыйныф укучысы Вәлияхмәтова Динә 8- 11 нче сыйныф укучыларына Казан университетының геология һәм нефть-газ технологияләре институты турында чыгышын тәкъдим итте. Чыгыш барышында укучылар әлеге юнәлешнең үзенчәлекләре турында  мәгълүмат алдылар.

Казан милли тикшеренү технология университеты (КНИТУ) вәкилләре 9- 11 нче сыйныф укучылары белән профориентацион очрашу уздырдылар. Укучылар әлеге уку йортының максатлары һәм юнәлешләре белән таныштылар.

6 нчы февраль көнне гимназиябездә "Казан сандугачы- 2024" җыр бәйгесенең шәһәр этабы уздырылды. Бәйгенең максаты- моңлы яшь башкаручыларны барлау һәм аларны халыкка таныту. 100 дән артык катнашучы эстрада, халык җыры, ансамбль номинацияләрендә үзләренең сәләтләрен күрсәттеләр.
Әлеге бәйгедә гимназиябез укучылары Замилов Вильдан (2Б), Нотфуллин Солтан (5В) һәм Гафарова Илизә (9Б) катнаштылар. Нәтиҗәләрне көтәбез! Барлык катнашучыларга алга таба да уңышлар теләп калабыз!!!
Шулай ук сезгә конкурстан репортаж тәкъдим итәбез, рәхим итеп карагыз!

Видеога сылтама: https://vk.com/club216931602?z=video715397316_456239358%2F96d1a3bbe48b7d9941

Бүген гимназиядә дүшәмбе иртәсе традицион рәвештә РФ һәм ТР Дәүләт флагларын күтәрү һәм гимннарны башкару белән башланып китте. Тантанадан соң барлык сыйныфларда да "Мөһим сөйләшүләр" дәресләр циклы уздырылды. Укучылар белән "Россия фәне көне. Д. И. Менделеев тууына 190 ел" дип аталган темага сөйләшүләр алып барылды.

Гимназиябез китапханәсендә 5А һәм 6Б сыйныфы укучылары белән язучы П. П. Бажов иҗаты буенча әдәби чара уздырылды. Укучылар язучының тормыш юлы һәм танылган әсәрләре белән таныштылар, викторинада белемнәрен сынадылар.

6В сыйныфы укучылары сыйныф җитәкчеләре Резеда Рәшитовна белән берлектә ял көннәрен "Ак Барс" шугалагында үткәрделәр. Яңа уку атнасына энергия һәм көч тупладылар!

2 нче февраль - Сталинград өчен барган бәрелешләрдә җиңү көне. Икенче бөтендөнья һәм Бөек Ватан сугышларында бөек борылыш чоры буларак теркәлгән Сталинград кан коешы 1942 елның 17 июлендә башланып китә. Фашистлар Сталинград сугышында 1,5 миллион хәрбиен югалтса, Совет Армиясенең бер миллионга якын солдаты һәм гражданы һәлак була.1943 елның 2 февралендә Идел буендагы шәһәр өчен сугышлар совет гаскәрләренең җиңүе белән тәмамлана. Шул уңайдан гимназиядә укучылар белән кинолекторий һәм интеллектуаль уеннар уздырылды.

Видеога сылтама: https://vk.com/club216931602?z=video-222311097_456239099%2F5643df57b4c27a7d10%2Fpl_wall_-216931602

7Б сыйныфы укучылары сыйныф җитәкчеләре Гөлназ Мәҗитовна белән "Цирк- закулисье" дип аталган экскурсиядә булып кайттылар. Укучылар әлеге тылсымлы дөнья белән таныштылар һәм үзләренә уңай эмоцияләр алдылар!