Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани
Визитная карточка
| Адрес: | Республика Татарстан, 420141, г. Казань, ул. Кул Гали, д. 13 |
| Телефон: | +7(843)-262-43-69 (приёмная); +7(843)-590-13-18 (охрана) |
| E-Mail: | g18.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Гимназия №18 - "Галэм" |
| Руководитель: | Фасхутдинова Гульшат Абузаровна |
| Год основания учреждения: | 1999 |
| У нас учатся: | 905, из них иностранных граждан - 0 |
| У нас учат: | 61 |
Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани - новости
Страницы: << 41 42 43 44 45 ( 46 ) 47 48 49 50 >>
-
Казан КВН лигасы! 17.05.2024
17 нче май көнне шәһәр күләмендә Шаяннар һәм Тапкырлар клубының мәктәп лигасы үткәрелде. Гимназиябезнең "Галәм" командасы әлеге уенда I урынны яулады һәм 15 мең сумлык сертификатка ия булды! Командалар үз көчләрен визитка һәм импровизация бәйгеләрендә сынадылар. Без укучыларыбыз белән горурланабыз, алга таба да уңышлар теләп калабыз!!!
-
Озын тәнәфес - 2024 16.05.2024
13 нче май көнне "Сәйдәш" мәдәният үзәгендә "Озын тәнәфес - 2024" фестиваленең гала - концерты узды. Гимназиябез кече төркемдә II урынны яулады һәм 500 мең сум күләмендә сертификатка ия булды!!!
Гала - концертны 7Б сыйныфы укучысы Валеева Алимә алып барды. Гимназиябезне "Ашхабад" чыгышы белән 7А сыйныфы укучысы Галиев Кәрим һәм "Энҗе бөртекләре", "Кояш нуры" бию коллективлары тәкъдим итте!
"Бездә иң талантлы, сәләтле, максатчан укучылар белем ала. Әлеге масштаблы проектта без тагын бер кат үзебезнең бердәм һәм дус Гаилә булуыбызны исбатладык. Барлык катнашкан һәм ярдәм иткән укучыларга, укытучыларга, әти - әниләргә зур рәхмәтебезне белдерәбез! Минем Галәм - минем Гаиләм!" - дип теләкләре белән уртаклашты гимназия директоры Гөлшат Әбүзәровна.
Репортаж: https://vk.com/club216931602?z=video-216931602_456239283%2Fcb9ac9022bf8740a0d%2Fpl_wall_-216931602 -
"Россия – минем горизонтларым" һөнәри юнәлеш бирү курсы 16.05.2024
16 нчы май көнне үткәрелгән "Россия - минем горизонтларым" курсы кысаларында укучылар белән "Минем илем - минем киләчәгем" темасына сөйләшү алып барылды, һөнәри юнәлеш буенча оештырылган дәресләргә йомгак ясалды. Укучылар видеоөзекләр карадылар, җәйге каникулга планнары белән уртаклаштылар.
-
Гомуми әти-әниләр җыелышы 16.05.2024
15 нче һәм 16 нчы май көннәрендә гимназиядә әти - әниләр җыелышы булып узды. Җыелыш актлар залында башланып китте, аннан соң сыйныфларда дәвам итте.
Гимназия директоры Гөлшат Әбүзәровна әти - әниләрне уку елы нәтиҗәләре белән таныштырды, җәйге каникуллар вакытында куркынычсызлык кагыйдәләрен искә төшереп үтте. Тәрбия эшләре буенча директор киңәшчесе Гөлчәчәк Әсхатовна "Бердәм тәрбия мөхите: ата-аналар, балалар һәм тәрбия буенча киңәшче" дигән темага чыгышын тәкъдим итте.
Гомуми җыелыш барышында "Зур тәнәфес", "Тату сыйныф серләре" бәйгеләрендә ярдәм күрсәткән әти - әниләргә гимназия директоры Гөлшат Әбүзәровна исеменнән рәхмәт хатлары тапшырылды. Җыелыш укучыларның матур концерт номерлары белән тәмамланды! -
"ШАЯН ТВ"да кунакта 15.05.2024
Гимназия укучылары Каримова Адилә, Юсупова Айзилә, Хафизова Ләйлә һәм Фатхуллин Нариман сәхнә теле укытучысы Лилия Рафисовна җитәкчелегендә "ШАЯН ТВ" каналында кунакта булып кайттылар. Афәрин!
-
"Кошлар безнең дуслар" дип исемләнгән мастер - класс 14.05.2024
Гимназия китапханәсендә 3А сыйныфы укучылары белән "Кошлар безнең дуслар" дип исемләнгән чара үткәрелде. Балалар кошлар турында белемнәрен төрле уеннар аша ныгыттылар:
- Тапкырга табышмак;
- Очты, очты, кошлар очты...;
- Кем артык?
- Тиз әйт.
Шулай ук укучылар мастер - класста катнаштылар. Төсле картон һәм кәгазьдән аппликация техникасын кулланып оригиналь эшләнмәләр ясадылар. -
"Мөһим сөйләшүләр" - А.С.Пушкинның тууына 225 ел 13.05.2024
13 нче май көнне үткәрелгән "Мөһим сөйләшүләр" рус теле көненә багышланды. Дәреснең темасы "Рус теле. Бөек һәм көчле. А.С.Пушкинның тууына 225 ел" дип аталды. Укучылар презентация белән таныштылар, видеоөзекләр карадылар, интерактив биремнәр эшләделәр.
-
Иннополис шәһәрендә экскурсиядә 11.05.2024
7Б һәм 7В сыйныфы укучылары сыйныф җитәкчеләре Гөлназ Мәҗитовна һәм Розия Базаровна белән берлектә Иннополис шәһәрендә экскурсиядә булып кайттылар. Укучылар яңа IT - технологияләр белән таныштылар, кызыклы яңалыклар белделәр, заманча төзелгән комплексны бик ошаттылар!
Видеога сылтама: https://vk.com/club216931602?z=video-216931602_456239282%2Ff593693a63769a91c7%2Fpl_wall_-216931602
-
Бөек Җиңү көне белән!!! 09.05.2024
Без бәхетле буын, азатлыкта,
Һәм муллыкта гына яшибез.
Җиңү яулаганнар онытылмас,
Бердәмлектә бергә көчлебез!
Бүген Бөек Җиңүнең 79 еллыгы билгеләп үтелә! 9 май – күпмилләтле халык батырлыгына хөрмәт һәм дан, мәңгелек хәтер һәм чиксез рәхмәтле булу көне.
Сезне гимназия коллективы исеменнән Җиңү көне белән котлыйбыз! Туган җиребез күге һәрвакыт имин, күңелләребез тыныч булсын!Видеокотлау: https://vk.com/club216931602?z=video-216931602_456239281%2Fc2ee658c8e92848607%2Fpl_wall_-216931602
-
"Бөек Җиңү көне" дип исемләнгән рәсем күргәзмәсе 08.05.2024
Гимназиядә сынлы сәнгать укытучысы Равилә Хәйдәровна җитәкчелегендә "Бөек Җиңү көне" дип исемләнгән рәсем күргәзмәсе оештырылды.
Рәхмәт Сезгә, батыр ветераннар,
Саклап калган өчен илебез.
Мәңгелек дан Сезгә, каһарманнар,
Тыныч булсын җир һәм күгебез!
