Гимназиябез активистлары башлангыч сыйныф укучылары белән Космонавтика көненә багышланган кызыклы чаралар үткәрделәр:
- укучылар космос турында профессор Почемушкиннан мультфильм карадылар;
- "Кояш системасы навигаторы" дигән темага сөйләшү алып бардылар;
- рәсемнәр ясадылар, биремнәр эшләделәр.

Видеога сылтама: https://vk.com/club216931602?z=video-216931602_456239253%2F1c4b29aab2d9a1f78b%2Fpl_wall_-216931602

Космонавтика көне уңаеннан башлангыч сыйныф укучылары арасында сораштыру үткәрелде. Укучылар "Юрий Гагарин кебек елмаеп күрсәт әле", "Ай - ул планетамы?" һәм башка кызыклы сорауларга җаваплар бирделәр. "Галәм Медиа" активисты Валеева Алимәдән видеорепортажны сезгә дә тәкъдим итәбез!

Видеога сылтама: https://vk.com/club216931602?z=video-216931602_456239254%2F1aced95be2fbcc9217%2Fpl_wall_-216931602

Гимназиядә атна дәвамында Космонавтика көненә багышланган чаралар үткәрелде. 5Б һәм 5В сыйныфы укучылары белән "Космос ничек өйрәнелде?" дигән темага викторина уздырылды. Укучылар беренче төзелгән ракеталар, космик киңлекне өйрәнү барышында барлыкка килгән авырлыклар белән таныштылар, үзләренең белемнәрен сынадылар.

Видеога сылтама: https://vk.com/club216931602?z=video-216931602_456239251%2Fa37b9f769ae5a85898%2Fpl_wall_-216931602

Гимназиядә эшләп килүче "Изостудия" түгәрәгенә йөрүче укучылар ярдәме белән "Космик хыяллар" дип исемләнгән рәсем күргәзмәсе оештырылды. Балалар космосны ничек күз алдына китерүләрен рәсемнәрдә чагылдырдылар. Җитәкчеләре: Равилә Хәйдәровна.

Һөнәри юнәлеш бирү эше кысаларында 11 нче сыйныф укучылары өчен Казан федераль университетының идарә, икътисад һәм финанс институты студентлары чыгышларын тәкъдим иттеләр. Алар укучыларга икътисади куркынычсызлык юнәлеше турында тулы мәгълүмат бирделәр.

Гимназиянең "Алдынгылар хәрәкәте"нең беренчел бүлек советы рәисе Галиев Нияз Космонавтика көненә багышланган "Беренчеләр космоста" дигән темага сөйләшүләр, "Алдынгылар вакыты" исемле интеллектуаль викторина уздырды. Укучылар галәм, космонавтлар, планеталар турында сорауларга бик кызыксынып җавап бирделәр.

Гимназиябезнең 1Г сыйныфы укучылары сыйныф җитәкчеләре Алсу Габдрафиковна белән берлектә Казан Кремле территориясендә урнашкан "Хәзинә" Милли сәнгать галереясендә экскурсиядә булып кайттылар. Укучылар яңа мәгълүматлар тупладылар, уңай эмоцияләр алдылар.

8 нче апрель көнне үткәрелгән "Мөһим сөйләшүләр" дәресе "Мин Җирне күрәм! Ул бик матур!" дип аталды. Укучылар белән галәм, беренче ачышлар, космонавтлар турында сөйләшү алып барылды.

7 апрель- Бөтендөнья сәламәтлек көне буларак билгеләп үтелә. Китапханәбез дә бу көннән читтә калмады. 2Б сыйныфы укучылары белән китапханәче Зөлфия Рафаильевна һәм физик тәрбия укытучысы Әлфия Гомәровна җитәкчелегендә "Сәламәтлек иленә сәяхәт" дигән күңел ачу чарасы уздырылды. Укучылар көчләрен төрле этапта сынадылар:
- физик яктан сәләтләрен күрсәттеләр;
- табышмаклар чиштеләр, мәкальләр төзеделәр;
- шәхси гигиена кирәк- яракларын сортладылар;
- әдәбият станциясендә җиләк- җимеш һәм яшелчә геройлары булган әкиятләрне искә төшерделәр;
- "Ни өчен үлән чәйләре файдалы?", "Ни өчен витаминнар эчәргә кирәк?", "Нәрсә ул дәрес туклану?" дигән сорауларга җаваплар эзләделәр.
Әлеге чара укучыларга бик күп уңай эмоцияләр бирде.

Гимназиянең 1В сыйныфы укучысы Ибатова Сәминә һәм 3А сыйныфы укучысы Валеев Рамазан "Золотая Лира" Халыкара балалар һәм яшүсмерләр сәнгате конкурсында катнашып II дәрәҗә дипломант исемен яуладылар. Котлыйбыз!!!