Мәктәптә чираттагы әти-әниләр җыелышы уздырылды. Җыелышта әти-әниләр 1 чирек нәтиҗәләре  белән таныштырылды.  Шулай ук әти-әниләргә мәктәпнең эчке тәртип,  интернеттан куллану кагыйдәләре аңлатылды.

“Хыял” балалар оешмасы членнары мәктәп газетасының чираттагы санын чыгардылар. Газетада 1 чирек дәвамында булган чаралар, яңалыклар яктыртылды.

Укучылар үзидарәсе утырышында 1 чиреккә нәтиҗә ясалды. 2 чирек дәвамында эшләнәчәк эшләр турында сөйләшенде.

Укучыларыбыз спорт ярышларында актив катнашалар. Күмәк хуҗалыклар арасында узган көрәш ярышында  мәктәбебез укучысы Ахматханов Ильдан үз үлчәү авырлыгында 1 урынны алды.

Укытучыларның чираттагы педагогик киңәшмәсе “Белем бирү процессына системалы якын килү” темасы астында узды.

Һәр класста әти-әниләр җыелышлары уздырыла. Әти-әниләр балаларының чирек билгеләре белән таныштылар. Шулай ук һәр укучының тәртибе, сыйныф тормышында ничек катнашуы турында мәгълүмат алдылар.

5-8 сыйныф укучылары традицион “Алтын көз” бәйрәмен уздырдылар. Бәйрәмне 8 сыйныф укучылары алып барды. Укучылар көче белән җырларга әзерләнгән клиплар, көзге модалар парады оешкан төстә үтте.Укучылар бәйрәмне чәй табыны артында дәвам иттеләр. Ә бәйрәм ахырында уздырылган дискотекада һәркем биеде, күңел ачты.

9-11 сыйныф укучылары “Хэллоуин” бәйрәме уздырдылар. Бәйрәмдә һәр класстан 3 кешелек команда катнашты. Алар өчен кызыклы конкурслар уздырылды. Соңыннан укучылар дискотекада күңел ачтылар.

1-4 сыйныф укучылары өчен “Көзбикәдә кунакта” дип исемләнгән көз бәйрәме уздырылды. Бәйрәмгә Көзбикә кунакка килде. Ул укучыларга табышмаклар, төрле уеннар уздырды. Яшелчәләр булып киенгән укучылар Көзбикәгә үзләренең һөнәрләрен күрсәттеләр. Бәйрәм җырлар, биюләр белән үрелеп барды. Соңыннан бәйрәм дискотекасы уздырылды.