Район күләмендә Ахмадиевлар призына көрәш ярышы уздырылды. Әлеге ярышта мәктәбебез командасы өченче ел рәттән 1 урынны яулады. Менә безнең батырлар:

Хабибуллин Руфил- 1 урын

Рафиков Инсаф-1 урын

Юсупов Руслан- 1 урын

Галимуллин Айнур -2 урын

Рафиков Илсаф-2 урын

Бектурсонов Наил 2 урын

Ризванов Инсаф- 3 урын

Гарифҗанов Рамил- 3 урын

Мәктәбебездә “Гаилә ил тоткасы” дип исемләнгән гаилә бәйрәме узды. Бәйрәмдә 11 гаилә төрле номинацияләр буенча чыгыш ясады. Шулай ук әти-әниләрнең кул эшләреннән зур күргәзмә ясалды. Бәйрәм оешкан төстә узды. Һәр гаиләнең чыгышы көчле алкышларга күмелде.

Атна дәвамында мәктәбебезнең барлык укучылары Чепья авылында урнашкан “Халыклар дуслыгы” музеена сәяхәт кылдылар.  Музей укучыларыбызга бик ошады. Экскурсоводларның сөйләвен укучылар игътибар белән тыңладылар.  Музейның җитәкчесе  Гарифҗан Галиевич укучыларга сугыш темасын аеруча тирән итеп сөйләде. Ул укучыларны Бөек Җиңүнең 70 еллыгын каршылауда актив катнашырга чакырды.

Бөек Җиңүнең 70 еллыгы якынлашкан көннәрдә мәктәбебездә күп кенә эшләр эшләнә. Укучыларыбыз “Үлемсез полк” акциясенә кушылып сугыш ветераннары , тыл батырлары турында мәгълүматлар туплый башладылар. Шулай ук обелиск һәм  Советлар Союзы Герое Габдулла Гарифуллин һәйкәлен дә даими чистартып торабыз.

9 һәм 11 сыйныф укучылары өчен ЕГЭ һәм ОГЭларга әзерләнү максатыннан ай саен сынап карау тестлары уздырыла. Бүген шундый тестны 9 сыйныф укучылары рус теленнән эшләделәр.

Узган атнада булып узган физика һәм математика атналыгына йомгак ясалды. Атналык дәвамында конкурс һәм ярышларда катнашу буенча класслар арасында урыннар билгеләнде: 5-8 сыйныфлар арасында 1урын-5, 2 урын-6, 3 урын-7, 4 урын-8 сыйныф; 9-11 сыйныфлар арасында 1 урын- 11, 2 урын-10, 3 урын-9 сыйныфлар булды. Атналыкта актив катнашкан укучылар һәм класслар мәктәп грамоталары белән бүләкләнде.

Казан Федераль Университеты уздырган “Минем яраткан укытучым” дип исемләнгән сочинениеләр конкурсында 10 сыйныф укучысы Агзамова Рәсүлә катнашты һәм җиңүче булды. Ул диплом һәм акчалата бүләккә ия булды.

Бүген югары сыйныф укучылары 1-4 сыйныфлар өчен математикадан олимпиада уздырдылар.10-11 сыйныф укучылары үзләрен укытучы сыйфатында сынап карадылар.Ә башлангычлар “яшь укытучыларны” бик җылы кабул иттеләр.

Физика һәм математика атналыгы кысаларында 5 һәм 6 сыйныф укучылары арасында КВН уздырылды. Әлеге чарада “Пифагор” һәм “Яшь математиклар” командалары ярышты һәм 6 сыйныф укучыларыннан торган “Яшь математиклар” командасы җиңү яулады.

Бүген 2 сыйныф укучылары өчен эзтабар бәйрәме уздырылды. Бәйрәмдә зур сынаулар аша икенчеләрне эзтабарлар сафына кабул иттеләр. Кунакка килгән Убырлы икенчеләрне төрле яклап сынады, аларга кызыклы ярышлар уздырды. Икенчеләр Убырлы кулына эләккән эзтабар билгеләрен әлеге сынауларны уңышлы гына үтеп, кире үзләренә яулап алдылар.Бәйрәмдә калган эзтабарлар өчен дә уеннар оештырылды.