“Хыял” балалар оешмасы членнары мәктәп газетасының чираттагы саның чыгардылар. Әлеге номер яңа елга багышланды. Шулай ук газетада укучыларыбыз иҗатына да урын бирелде.

5-8 сыйныф укучылары өчен яңа ел бәйрәме уздырылды.  Бәйрәмне 7 сыйныф укучылары оештырды һәм алып барды. Бәйрәмебездә төрле илләрдән килгән “кунаклар” күп булды. Кыш бабай белән Кар кызы да бүләкләрне бик мулдан алып килгән иде. Укучыларның чыгышларын тамашачылар яратып карадылар, һәр чыгыш көчле алкышларга күмелде.

1-4 сыйныф укучылары өчен “Яңа ел әкиятендә кунакта” дип исемләнгән тамаша оештырылды.Бәйрәмгә һәр укучы маскалардан килгән иде. Кыш бабай белән Кар кызына ияреп килгән клоуннар бәйрәмебезне тагын да күңеллеләндереп җибәрделәр, алар оештырган атракционнарда балалар яратып катнаштылар.Укучыларыбыз сәхнәләштергән әкиятләр, җыр-биюләрне  тамашачылар җылы кабул итте.

Район күләмендә рус теленнән үткәрелгән олимпиадада 6 сыйныф укучысы Яфарова Алисә җиңүче булды. Алисәне,укытучысы Рамилә Камиловнаны уңышлары белән чын күңелдән котлыйбыз.

Бүген мәктәптә 9-11 сыйныф укучылары өчен яңа ел бәйрәме уздырылды. Бәйрәмне узып баручы елның символы булган ат, киләсе ел кәҗә, Кыш бабай һәм Кар кызы башлап җибәрде. Бәйрәм укучыларның чыгышлары, биюләр, җырлар белән үрелеп барды. Соңыннан яңа ел дискотекасы уздырылды.

Татарстан Республикасы күләмендә узучы “Чисталык дәресе” акциясенә кушылып мәктәбебездә дә акция уздырылды. Шушы уңайдан безгә Балтач дәүләт табигать тыюлыгы хезмәткәрләре Хазиев Рамил Камил улы һәм Муллагалиев Азат Нурмөхәммәт улы килделәр. Алар укучыларга әлеге акция, аның максаты, шулай ук районыбызның экологик хәле турында сөйләделәр. 

Мәктәп күләмендә “Чыршы” операциясе узды. Укучыларыбыз табигатькә зыян китермичә генә, кул астында булган материаллардан чыршылар ясадылар. Әлеге чарада һәр класс актив катнашты. Ясалган чыршылардан күргәзмә оештырылды.

Бүген мәктәбезгә Кыш бабай килде. Ул үзенең татлы бүләкләр тутырылган пакетлары белән балаларны сөендерде. Шулай ук президентыбыздан  котлау открыткасы алу да балаларга зур шатлык булды.

Яңа ел бәйрәме якынлашкан көннәрдә мәктәп тирәсен сыннар белән бизәү традициягә керде. Бу елда да карның аз булуына карамастан  мәктәп янына матур сыннар ясадык.

Фән олимпиадаларының муниципаль этабы дәвам итә. Татар теленнән уздырылган олимпиадада 9 сыйныф укучысы Мубаракова Ләйлә җиңүче булды. Ләйләгә республика турында да уңышлы чыгыш ясарга насыйп булсын.