Теләче районында РСФСРның спорт мастеры Ф.З.Шайдуллин призына уздырылган татарча көрәш бәйгесендә катнашып мәктәбебез укучысы Ахматханов Ильдан үз үлчәү авырлыгында 1 урынны, Зайцев Тимур 4 урынны яуладылар.

Казан шәһәрендә мөмкинлекләре чикләнгән балалар арасында 2нче республика спартакиадасы узды. Әлеге спартакиадада 9 сыйныф укучысы Накипов Рамазан катнашты һәм 1 урынны яулады. Молодец!

Узган атна дәвамында мәктәптә тарих атналыгы уздырылды. Атна чараларга бай булды. Атна дәвамында чараларда актив катнашкан укучыларга, класс коллективларына мәктәп грамоталары тапшырылды.

Казан (Идел буе) федераль университеты, Филология һәм мәдәниятара багланышлар институты, Татарстан Республикасы Язучылар берлеге, Татарстан китап нәшрияты, “Әллүки” әдәби иҗат берләшмәсе уздырыган “Шигъри сабантуй-2014” конкурсында катнашып 11 сыйныф укучысы Сафиуллин Рафил “Яшь батыр” номинациясендә 3 дәрәҗәле дипломга, 7 сыныф укучысы Шәфигуллин Искәндәр шул ук номинациядә кызыксындыру бүләгенә лаек булдылар. Әлеге бәйгедә катнашкан 7 сыйныф укучысы Сәләхетдинова Эльвина, 10 сыйныф укучысы Агзамова Рәсүләләр катнашучы буларак сертификатбеләр бүләкләнделәр.

Тарих укытучысы Гөлчәчәк Илфаковна , тарих һәм җәмгыять атналыгы кысаларында, 5 класс укучылары белән мәктәп күләмендә ачык дәрес күрсәтте. Алар әлеге дәрестә “Мисыр иленә сәяхәт” кылдылар. Бишенчеләр дәрестә актив катнаштылар, дәрес уңышлы узды.

Мәктәбебездә әхлак түгәрәге җитәкчеләренең район киңәшмәсе узды. Киңәшмәдә Татарстанның баш казые, район мөхтәсибе Җәлил хәзрәт, Балтач мәчетенең баш имамы, Ислам диненә 1000 еллык мәдрәсә филиалы җитәкчесе Рамил хәзрәт һәм район мөслимәләре берлеге җитәкчесе Рәисә Рамил кызы катнашты.

Мәктәбебездә технология укытучыларының район семинары узды. Әлеге семинарда укытучыларыбыз Ленина Камиловна, Ландыш Хәертдиновналар ачык дәрес, Лилия Маликовна мастер-класс күрсәттеләр. Семинар оешкан төстә узды.

“Хыял” балалар оешмасында эзтабарлар җыены булып узды.Әлеге җыенда  2 сыйныф укучыларын эзтабарлар сафына кабул итү турында сөйләшү булып узды һәм  әзерлек эшләре башланды. 2 сыйныфларга эзтабарларның кем икәнлеге, аларның нинди эшчәнлек алып барулары, кагыйдәләре, девизлары турында аңлатылды.

ООО «Кама» призына кул көрәше ярышы уздырылды. Әлеге ярышта мәктәбебездән армспорт түгәрәгенә йөрүче укучылар катнашты. Ярышта катнашкан барлык укучылар да призлы урыннарга ия булдылар. Менә безнең җиңүчеләребез: Рафиков Ильназ 1 урын, Накипов Рамазан 1 урын, Газимзянова Руфия 1 урын, Файзрахманов Ришат 2 урын, Гиниятуллин Салават 2 урын, Агзамова Рәсүлә 2 урын. Молодцы!