Мәктәп күләмендә милләтләр кроссы уздырылды. Әлеге чарада мәктәбебезнең барлык укучылары һәм укытучылары катнашты. Ярышта катнашучыларга мәктәп грамоталары тапшырылды.

Мәктәптә 1-5 сыйныф укучылары катнашында “Юл әлифбасын өйрәнәбез” дип исемләнгән кичә уздырылды. Әлеге кичәгә район полиция бүлегеннән ГАИ җитәкчесе Фәргать Тәлгатович та килде. Кичәдә укучылар үзләренең юлда йөрү кагыйдәләрен ничек өйрәнүләрен күрсәттеләр.

Республика күләмендә үтә торган экологик акциягә кушылып мәктәп күләмендә күп кенә эшләр эшләнде. Укучылар көче белән мәктәп территориясе чистартылды, 1-6 класс укучылары табигатькә сәяхәткә чыктылар. Шулай ук чишмәләр дә игътибар үзәгеннән читтә калмады, һәр класс үзенә беркетелгән чишмәнең әйләнә тирәсен чистартты.

15 сентябрь – ТВБнең туган көне. Әлеге уңайдан мәктәптә әңгәмәләр уздырылды. Эзтабарлар өчен “Кем ул эзтабар”?, варислар өчен  “Без чын варисмы”? исемле үзара сөйләшү булып үтте. 2 сыйныф укучылары эзтабар сафына керү өчен әзерлек эшләре башладылар.

Мәктәптә сәламәтлек сәгате булып узды: укучылар спиртлы эчемлекләр  һәм тәмәкенең зарары турында чыгыш тыңладылар, кросста катнаштылар.

Мәктәптә “Террорчылар кулыннан һәлак булучыларны искә алу  көне” уңаеннан төрле чаралар узды. Укучылар террорчылар кулыннан зыян күрүчеләрне искә алдылар, трагик вакыйгалар хроникасы белән таныштылар.

Мәктәбебездә белем бәйрәме шаулап, гөрләп узды.

Мәктәбебез укучылары, ял көне булуга карамастан, Бөтенрәсәй экологик өмәдә катнашырга чыктылар. Мәктәп тирәсе, бакча чүп-чардан арындырылды.

          Өмәгә килдек җыелып,

          Себерке, чиләк тотып.

           Ялт итсен мәктәп тирәсе

           Бәйрәмгә торсын көлеп.

Бүген 9 сыйныфны тәмамлаган 18 укучы кулларына өлгергәнлек аттестатлары алдылар. Бу аларның беренче җиңүләре.

Мәктәбебездән 5 укучы район “Романтик” ял лагеренда, лидерлар өчен  оештырылган сменада ял итәләр. Алар биредә төрле кызыклы конкурсларда катнашалар, лидерлык серләренә өйрәнәләр.