Мәктәбебез укучылары уку белән беррәттән спорт ярышларында да актив катнаша. 1 һәм 2 декабрь көннәрендә оештырылган волейбол ярышында 1999 һәм 2000 – елгы малайлар һәм кызлар ярым финалдан үтеп, финал ярышларында катнашу хокукын алды.

Авылыбызда патриотик тәрбиягә игътибар арта бара. Шушы көннәрдә мәдәният йортында армия сафларына алынучы 4 егетебезне озату кичәсе оештырылды. Әлеге кичәдә элекке солдатлар да, армиягә китүче егетләрнең әтиләре дә, классташлары да, аларның класс җитәкчеләре дә, авыл советы җитәкчесе дә матур теләкләрен җиткерде.

Ноябрь ае бәйрәмнәргә бигрәк бай булды, мәктәп ачылу тантанасы, укытучыларыбызның юбилейлары, бердәмлек көннәре. Ә бүген бездә “Әниләр бәйрәме”, кичектеререлүгә карамастан бәйрәмдә зал шыгрым тулы иде.

28 нче ноябрь көзнең соңгы бер көне. Ә менә безнең өчен, Бөрбаш авылы халкы өчен бу көн тарих битләрендә калачак. Безнең хыялларыбыз чынга ашты. Авылыбыз уртасында “үсеп чыккан” ике этажлы урта мәктәп бүген ишекләрен ачты. Укучылар да, укучыларның әти-әниләре һәм укытучылар да бу көнне түземсезлек белән көтте.

Мәктәбебезгә Гүзәл Галимулловна директор итеп билгеләнгәннән соң 50 яшен тутыручы хезмәттәшләребезнең юбилейларын тантаналы рәвештә үткәрү традициягә әверелде.

26 ноябрь көнне шундый бәйрәмнәрнең берсе: укытучыларның укытучысы, завучыбыз Әнисә Камиловнаның гомер бәйрәме белән котлау оештырылды.

Мәктәбебездә төзү эшләре тәмамланганга байтак вакыт үтсә дә, күзгә күренми торган, шул ук вакытта бик нык төгәллек, җаваплылык таләп ителә торган өлеше, документациясе,  барлык оешмалар: газ, электр, пожар куркынычсызлыгы, санитария кагыйдәләре комиссияләре  тарафыннан ныклы контроль чаралары төгәлләнеп килә.

25 ноябрь хезмәттәшебез Әнисә Камиловнаның туган көне. Әнисә Камиловна бүген гомер мизгелегезнең матур бәйрәме. Киләчәктә дә сәламәтлек, җан тынычлыгы, яңадан-яңа куанычлар, мул тормыш телибез. Әрнү-сагыш белмә, гел шулай чибәр бул, изге дөньяның барлык рәхәтлекләрен күреп, бергә-бергә күңелле итеп яшәргә һәм эшләргә насыйп булсын.
Изге теләкләр белән хезмәттәшләрегез.

Фәннәр буенча үткәрелүче район олимпиадаларының беренче җиңүчеләре билгеле булды. 8 нче сыйныф укучылары Мифтахова Гүзәл астрономия олимпиадасында, Сәләхетдинова Әнисә информатика буенча олимпиадада җиңү яуладылар.

 11 сыйныф укучылары белән "Пожар куркынычсызлыгы кагыйдәләрен белү һәм үтәү - һәркемнең бурычы" исемле класс сәгате үткәрелде

Балаларны пожар куркынычыннан саклау максатыннан 22 нче ноябрь көнне 9 нчы сыйныфта "Спички- не игрушка, огонь не забава" дигән класс сәгате узды.