Мәктәбебездә төзү эшләре тәмамланганга байтак вакыт үтсә дә, күзгә күренми торган, шул ук вакытта бик нык төгәллек, җаваплылык таләп ителә торган өлеше, документациясе,  барлык оешмалар: газ, электр, пожар куркынычсызлыгы, санитария кагыйдәләре комиссияләре  тарафыннан ныклы контроль чаралары төгәлләнеп килә. Мәктәп җитәкчелеге үз чиратында укучылар һәм аларның әти-әниләрен яңа мәктәп, андагы кагыйдәләр, тәртипләр белән таныштыру эшен башлап җибәрде. Яңа мәктәптә оештырылган беренче ата-аналар җыелышына килгән әти-әниләр мәктәпне бик яратып, мәктәп директоры Гүзәл Галимулловнага зур рәхмәт әйтеп,  аны сакларга кирәклеген балаларга бергәләп аңлатырга килешеп таралыштылар.