Бүген дәресләрдән соң 7, 10 сыйныф укучылары һәм укытучылар өмәгә чыктылар. Кызлар яңа мәктәп бүлмәләрен тәртипләделәр, ә егетләр мәктәп территориясендә эшләделәр.

Бүген мәктәптә педагогик киңәшмә үткәрелде, киңәшмәдә мәгариф бүлегеннән Гатауллина Г.Ф. катнашты.

5 нче сыйныф укучылары ел буе ашарлык кишер һәм чөгендерне, укытучы апалары һәм техник хезмәткәрләр белән җыеп алып, базга салып куйдылар.

1 нче октябрь өлкәннәр көне уңаеннан укучыларыбыз һәр ел саен авылның барлык өлкәннәренә котлау открыткалары ясап өләшәләр. Бу чарага гадәтләнгән әби-бабайлар котлауны көтеп алалар һәм рәхмәтләрен белдерәләр.

Бүген Татарстан Республикасы Премьер-министры Илдар Халиков Татарстан Республикасының яңа мәгариф һәм фән министрын тәкъдим итте. Хөкүмәт җитәкчесе Татарстан Республикасы Президентының Татарстан Республикасы Актаныш районының элеккеге башлыгы Энгель Фәттаховны Татарстан Республикасы мәгариф һәм фән министры итеп билгеләү турындагы Указын укыды. Традиция буенча яңа билгеләнгән министрга портфель һәм значок тапшырылды.

Россия Федерациясе Мәгариф һәм фән министрлыгы төбәкләргә, мәктәпләрдән хисапларны кәгазь формада сорамаска, дигән рәсми хат җибәргән. Барлык кирәк­ле мәгълүматлар мәк­тәп сайтында урнаштырылырга тиеш булачак. Министрлык каршындагы яңа иҗтимагый советның күптән түгел узган киңәшмәсендә дә укытучылар белем бирәсе урынга кәгазь боткасына батуларын белдерде. Чөнки белем йортларыннан төрле төрдәге мәгълүмат соратулар артык ешаеп китте.

Көзге урманга сәяхәт

Бүген мәктәптә "Кросс наций - 2012" үткәрелде.

Ярыш бик оешкан төстә үтте. Мәктәпнең барлык укучылары һәм укытучылары әлеге ярышта бик актив катнаштылар.

Бүген Татарстанның мәгариф министры Альберт Гыйльметдинов А.Н.Туполев исемендәге Казан милли тикшеренү техника университеты ректоры вазифасын башкаручы итеп билгеләнде. Яңа җитәкчене уку йортының Гыйльми советына Президент Рөстәм Миңнеханов тәкъдим итте.

Бүген укучылар һәм укытучылар дәресләрдән соң яңа мәктәп янында эшләделәр. Мәктәп территориясе чүп-чардан арындырылды