Россия Мәгариф һәм фән министрлыгы хәбәр иткәнчә, бердәм дәүләт имтиханнарына тагын үзгәрешләр кертеләчәк. Дәүләт сынаулары катлаулыгы ягыннан ике баскычка - базалы һәм профильлегә бүленәчәк. Әлеге эксперимент 2014 елда гамәлгә ашырылыр дип көтелә.

Елъярымга сузылган фикерләшүдән соң “Мәгариф турындагы” закон, ниһаять, хакимият тарафыннан уңай бәяләнде. Бу атнада ул Россия Дәүләт Думасы каравына кертеләчәк. Әмма белгечләр фикеренчә, документны камилләштерү юнәлешендәге эш әле тәмамланмаган. Хәзер дискуссияләр парламент дәрәҗәсендә дәвам итәр дип көтелә.

Күмәк хуҗалыкка ярдәм итү максатыннан укучыларыбыз эшкә чыктылар. Бер төркем укучыларыбыз амбар алдында эшләсәләр, кайберләре фермада һәм бәрәңге басуында эшләделәр.

Пәнҗешәмбе көнне балаларга катлаулы фәннәр укытырга ярамый. Россиянең баш санитария табибы Геннадий Онищенко әнә шулай ди. “Математика яки физиканы бу көнне укытырга ярамый, чөнки пәнҗешәмбе балалар өчен генә түгел, олылар өчен дә атнаның иң авыр көне булып санала”, – дигән ул бу хакта. Роспотребнадзор җитәкчесе моннан тыш барлык балаларны беренче сменада гына укытырга һәм физкультурага өстәмә буларак мәктәпләрдә бию дәресләрен кертергә тәкъдим иткән. Ә сез яңа уку елында нинди үзгәрешләр кертер идегез?

Җәй җитү белән күп кенә балалар әти-әниләренең игътибар үзәгеннән читтә кала - мәктәптә укытучыларның күзәтүенә өйрәнгән ата-аналар җәй җитү белән әлеге вазифаны үз өсләренә алырга ашыкмыйлар - балалар югалу, юл һәлакәтләре һәм суга бату очраклары ешая.

Мәктәптә 2 нче июльдән хезмәт һәм ял лагеры эшли башлады. Алар мәктәп бакчасында эшли, ял итә һәм ике мәртәбә туклана. Алар белән Рим Фәргатович җитәкчелек итә

1 нче июль авылда традицион мөселман балалар сабан туе узды. Бәйрәмдә халык бик күп иде, хәтта Ульян өлкәсе, Чувашия кунаклары, Мәскәүләр дә бар иде. Бәйрәмдә ТР Диния назәрәтенең мөфти урынбасары Габдулла хәзрәт, 1000 еллык исемендәге мәдрәсә ректоры Ильяс хәзрәт, ТР Дәүләт Советы депутаты Фәрит Мифтахов та бар иде.

Россия мәгарифендә тагын бер уку елы соңгы аккордларын бирә. Бердәм дәүләт имтиханы дигән спектакль инде төгәлләнде дияргә була, бары тик резерв көннәрендә имтихан бирүчеләр генә әле гельле каләмнәрен җыеп куймадылар. Мәгариф түрәләре елдагыча күрсәткечләрнең берничә процентка яхшыруы турында тантаналы рапортлар бирәләр. Күрсәткечләр, чынлап та, яхшыра, ә мәгарифтәге реаль хәл еларлык булып кала бирә.

Мөселман лагеренда без сәламәтлекләребезне ныгыттык, иман дәресләренә йөрдек. Авылыбыз остабикәләре: ДаутоваФаизә апа, Файзрахманова Сәвия апа, Рахматуллина Хәмидә апалар белән тәрбияви очрашулар оештырдык.