14 нче гыйнвар көнне мәктәбебездә район ФОРПОСТ җитәкчесе Галимзянов Фердинант Шәрифҗан улы белән очрашу үткәрелде. Ул ФОРПОСТ отрядына керүче укучыларның бурычлары , җаваплыклары турында аңлатып, киңәшләрен биреп китте.

12 нче гыйнвар көнне һәр методик советта утырышлар булып үтте.Беренче яртыеллыкта үткәрелгән контроль эшләргә, чирек билгеләренә анализ ясап алдагы эшләр турында сөйләшеп, фикер алыштылар.

12 нче гыйнвар көнне авыл мәдәният йортында башлангыч класслар өчен чыршы янында уеннар оештырылды. Укучыларыбыз төрле уеннарда катнашып рәхәтләнеп ял иттеләр

Иртәнге линейкада дежур торган 9 нчы класс беренче яртыеллык эшкә нәтиҗә ясады. Нәтиҗәләргә килгәндә “Иң яхшы укучы класслар” дип 5 һәм11 класслар танылды. “Шәфкатьле класс” номинациясе буенча 6нчы һәм 8нче сыйныф, “Спорт сөюче класс”-9 нчы сыйныф укучыларына бирелде.”Иң чиста класс”- 7 сыйныф, “Иң тәртипле укучылар ” дип 10 сыйныф билгеләнде.

11 нче гыйнвар көнне укытучыларның чираттагы киңәшмәләре булып үтте. Бу җыелышта укытучылар эшләнгән эшләргә анализ ясадылар, алда торган бурычлар турында фикер алыштылар

Мәктәбебезнең хоккей мәйданчыгы 2002-2003 елгы укучылар арасында район беренчелеге уеннарын кабул итә

Бүген мәктәбебезнең 9 һәм 11 нче сыйныф укучылары математикадан сынау имтиханнары тапшыра. Укучыларыбызга уңышлар телибез.

Хөрмәтле Гузәл Галимулловна!
Сезне чың күңелебездән туган көнегез белән тәбриклибез. Сезгә шушы бәйрәмегездә теләкләрнең иң изгесен иң сафын юллыйбыз. Җаныгыздагы йолдызлар балкышын сүндермичә, күңелегездәге яшәүнең алкышын киметмичә, сәламәтлек дәрьясында коенып яшәвегезне телибез.
Җир өстенең җем-җем ак карларын
Килә сезгә бүләк итәсе.
Дөньядагы матур сүзләрнең дә
Иң җылысын килә әйтәсе.
Котлыйбыз, котлыйбыз
Сезне юбилей белән.
Кайгыларга бирешмичә
Яшәгез сез шатлык белән.
Иң изге теләкләр белән мәктәп коллективы.

Мәктәбебезнең боз мәйданчыгы бүген авыл яшьләре арасында хоккей бәйгесен кабул итә.