21 гыйнвар көнне 7-8 класслар өчен профориентация буенча тест үткәрелде.

Кышның иң матур көнендә башлангыч сыйныф укучылары табигатькә чаңгы шуарга чыктылар. Саф һавада йөрү балаларга бик ошады. Алар чаңгыда табигать кочагына экскурсиягә барып күңел ачып, ял итеп кайталар.

21 нче гыйнвар көнне 7 классларда татар теле һәм әдәбияте укытучысы Нуретдинова Зөльфирә Зөфәр кызы “Начар һәм яхшы гадәтләр” темасына класс җитәкчеләренә тәҗрибә уртаклашу максатыннан ачык тәрбия сәгате үткәрде. Дәрестә укучылар үзләренә бик күп файдалы мәгълүмат алдылар. Сәламәт тормыш алып бару, начар гадәтләргә иярмәү, барыбызның да төп бурычы булып тора. Шулай ук укучыларыбыз район тарафыннан үткәрелгән “Спорт-зарарлы гадәтләргә каршы” конкурсында 2 нче урынны яуладылар. Дәрес матур, эшлекле рухта үтте. Зөльфирә Зөфәровнага һәм 7 нче классларга рәхмәтебезне белгертеп, алга таба да уңышларга ирешүләрен теләп калабыз.

Мәктәбебез укучылары тимурчылык эшенә бик җаваплы карыйлар.Бигрәк тә бу эштә актив булган классларны билгеләп китәсе килә. Узган атнада 5 нче сыйныфлар һәйкәл тирәсен кардан чистартып, карап тордылар. 8нче класс укучылары Ахмадиева Рәйсә апаның хәлен белеп, карлар көрәп, җыештырып кайттылар .“Бер рәхмәт мең бәладән коткара” дигән әйтем нәкъ безнең укучыларга туры килә.

Укучыларыбыз мәктәптә оештырылган Ахмадиева Ләйсән Фарук кызы тарафыннан алып барыла торган “Оста куллар” түгәрәгенә бик теләп, кызыксынып йөриләр. Бу түгәрәктә укучыларыбыз табигый материаллардан, кәгазь, тукымалардан төрледән-төрле матур кул эшләре башкаралар. Укучыларыбыз бу кул эшләре белән иптәшләрен, әти-әниләрен, укытучыларны да даими сөендереп торалар.

Иртәнге линейкада дежур торган 8 нче класс атналык эшкә нәтиҗә ясады. Нәтиҗәләргә килгәндә “Иң яхшы укучы класслар” 11 класслар танылды. “Шәфкатьле класс” номинациясе буенча 5 , 8 нче сыйныф, “Спорт сөюче класс”-9 нчы сыйныф укучыларына бирелде.”Иң чиста класс”- 7 сыйныф, “Иң тәртипле укучылар ” дип 10 сыйныф билгеләнде.

16 нчы гыйнвар көнне бер төркем укучыларыбыз Балтачта “Сабантуй” мәйданчыгында уздырылачак чаңгы ярышына киттеләр. Укучыларыбызның бу ярышта җиңүгә ирешүләрен теләп калабыз.

16 нчы гыйнвар көнне авылыбызда хоккей ярышлары үткәрелде.Бу ярышта авыл яшьләре , студентлар, укучылар көч сынашатылар.

Гыйнвар ае –сәламәтлек аенда мәктәбебез укучылары график нигезендә класслары белән чаңгыда табигать кочагына экскурсиягә барып күңел ачып, ял итеп кайталар.

Бүген 8 нче класс укучылары чаңгы белән урманга экскурсиягә бардылар. Укучылар саф һавада сәламәтлекләрен ныгытып, кышкы табигатьнең матурлыгына сокланып, рәхәтләнеп ял итеп кайттылар.