28-январь көнне 7 – 8 нче классларда “Физиканың яшь дуслары” темасына күңелле КВН үткәрелде. Уенда ике класстан кызлар һәм егетләр командасы көч сынашты. Укучылар физик сорауларга җавап бирде, кызыклы тәҗрибәләр ясады, практик биремнәрне аңлатты. Уен ике команданың да көчләре тигез булганын күрсәтте. Физиканы әле яңа гына өйрәнә башласалар да, укучылар сынатмады. Укучыларыбызның алга таба да шулай кызыксынучан, актив булуларын теләп калабыз.

27-январь көнне 10 –классларда гриппка каршы профилактик чара үткәрелде. Укучыларга грипптан саклану чаралары, аны булдырмау кагыйдәләре исләренә төшерелде, авыру тигән очракта үз-үзеңне тоту кагыйдәләре аңлатылды. Авыруга бирешмәскә, күберәк спорт белән шөгыльләнергә, дөрес тукланырга һәм режимны төгәл үтәргә кирәклеге тагын бер кат искәртелде.

27- январь көнне мәктәбебездә, математика укытучыбыз Зарипов Алмаз Маулетович, 5-7 класслар арасында “Математик КВН” оештырды. “Математика оныклары” һәм “Яшь математиклар” командалары үзара көч сынашты: мисаллар чиште, кызыклы сорауларга җавап бирде, ребуслар чиште. Уен “Математика оныклары” командасы җиңүе белән тәмамланды. 

26-январь көнне һәр класста “Атаклы галимнәр” темасына класс сәгатьләре үткәрелде. 7-8 класслар өчен физиклар турында презентацияләрне 11 класслар, ә калган класслар өчен математиклар турында докладларны 10 класс укучылары әзерләде. Укучыларыбыз Ковалевская, Лобачевский, Архимед, Фалес, Декард, Ньютон, Ломоносов турында кызыклы мәгълүматлар алды. Атна дәвамында булачак чараларда да уңышлар телибез.

25- январь көнне мәктәбебездә математика һәм физика фәннәре атналыгы башланып китте. Һәр класс математик буклетлар әзерләде, күргәзмәгә физик һәм математик башваткычлар, иң пөхтә дәфтәрләр куелды.

23 нче гыйнвар көнне Балтачта 1998-2002 нче елгы укучылар арасында кул көрәше буенча ярыш уздырылды. Безнең мәктәптән бер төркем укучылар катнаштып җиңү яулап кайттылар. Хисамутдинова Ралия 1 урын, Нуретдинов Нияз 2 урын, Галимова Әльфинә 2 урында калдылар. Укучыларыбызны бу җиңүләре белән котлыйбыз, алдагы ярышларда да уңышлар телибез.

25-30 январь көннәрендә Физика-математика атналыгы игълан ителә

Программада:

23 нче гыйнвар көнне авылыбызда ИП Газизов призына хоккей ярышы үтте. Бу ярышта Салавыч,Субаш, Бөрбаш командалары дусларча очрашып көч сынаштылар.

22 нче гыйнвар көнне 8 нче сыйныф укучысы Нурмөхәммәтов Солтан Балтачта ЗАГС бүлегендә уздырылган Россия паспорты тапшыру тантанасында булып кайтты.