16 нчы сентябрь көнне укытучылар һәм укучылар “Миләттләр кроссы-2017” ярышында катнашып ел буена җитәрлек энергия һәм яхшы кәеф туплап кайттылар

15 нче сентябрь көнне Балтач спорткомплексында укытучылар спартакиадасы булып узды. Бадминтон ярышында Акбиров Рим- I урын,ераклыкка сикерү буенча Яббарова Альфира- IIурынны алдылар. Алга табада уңышлар телибез.

16 нчы сентябрь көнне мәктәбебездә Миләтләр кроссы үткәрелде. Башлангыч сыйныф укучылары арасында үткән ярышта 1 нче урынны Гарифуллина Х., Гильмуллин Р., 2 нче урын - Загидуллина Г., Газизов Р., 3 нче урын- Гарифҗанова А., Гарифуллин Б., Каримуллин Р. алдылар. Калган укучылар да актив катнаштылар. 

15 нче сентябрь көнне башлангыч сыйныф укучылары өчен бердәм Мәдәният дәресе үткәрелде. Бу чарада авылның мәдәният йорты хезмәткәрләре Мифтахов Фәргать белән Хөсәенова Рәзилә һәм китапханәчебез Хәкимова Әнисә апа да катнаштылар. Алар укучыларга яңа мәдәни көндәлекләр өләштеләр һәм балаларны конкурста актив катнашырга чакырдылар.

Укучыларыбызның сәламәтлекләрен ныгыту максатыннан озын тәнефестә физзарядкалар күнелле үтә.

14 нче сентябрь көнне 2017-2018 нче уку елында беренче ата-аналар җыелышы булып узды. Әлеге җыелышка районыбызның эчке эшләр бүлегеннән вәкилләр чакырылган иде . Алар әти-әниләрне районда булган яңалыклар белән таныштырдылар. Мәктәбебез директоры Гүзәл Галимулловна эчке тәртип кагыйдәләре, алда торган максатлар, куелган бурычлар турында аңлатып үтте.

12 нче сентябрь көнне башлангыч сыйныфларда "Финанс грамоталыгы" темасы астында тәрбия сәгатьләре узды. Тәрбия сәгатендә укучылар гаилә бюджеты, керем һәм чыгымның мәгънәсенә төшенделәр.

Һәр атна дүшәмбе көнне иртәнге линейка үкәрелә. Линейкада үткән атна нәтиҗәләреннән чыгып "Иң актив класс" номинациясенә 3 сыйныф укучылары лаек дип табылды.