Мәгариф хезмәткәрләренең спартакиадасының Арчада үткәрелгән зона ярышында, мәктәбебездән А.М.Яббарова, Р.Ф.Акбиров катнашып кайттылар.

22 нче сентябрь көнне мәктәбебездә укучыларның гомуми җыелышы үтте. Һәр сыйныф старостасы үзенең сыйныфындагы һәр укучының җәйге ялын ничек файдалы уздырганлыгына анализ ясады.

21 нче сентябрь көнне мәктәбебез волонтерлары "Экстремизмга - юк!" исеме астында акция үткәрделәр. Акция белән төрле оешма һәм предприятияләрдә булдылар.

21 нче сентябрь - Тынычлык көне уңаеннан "Тынычлык күгәрчене" акциясе үтте.Бу акцияне үткәрүдә барлык укучылар да актив катнашты.

20 нче сентябрь көнне 2нче сыйныф укучыларын эзтабарлар сафына алу тантанасы булды. Алар эзтабар булырлык укучылар икәнлекләрен раслап сынауларны уңышлы үттеләр. Аларга киләчәктә дә шундый яхшы, акыллы эзтабарлар булып калуларын, мәктәп тормышында актив катнашуларын теләп калабыз. 

16 нчы сентябрь көнне Арбор урта мәктәбендә көрәш буенча ярыш уздырылды. Безнең мәктәп укучылары Авхадиев Ленар һәм Авхадиев Ранил 3 урында калып грамота һәм медаль белән бүләкләнделәр. Җиңүләре белән котлыйбыз! Алга таба уңышлар, сезгә!

15 нче сентябрь көнне Бөрбаш җирлегендә экологик конференция гөрләп узды. Бирегә “Мәгариф” һәм “Мәктәп һәм гаилә” журналларыннан вәкилләр дә килгән иде. Конференция дә катнашучылар авыл җирлегенә кергән чишмәләрне йөреп чыктылар. Укучылар аларның тарихлары белән таныштырдылар. Килгән һәркем чишмәләргә карата үзенең соклану хисен яшереп кала алмады. 

Иртәнге линейкада дежур торган 10 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 2 нче сыйныф танылды.”Иң чиста класс”-5 нчы сыйныф,“Иң тәртипле укучылар ” - 8 нчы сыйныф, “Спорт сөюче класс”-7,8 сыйныф, “Шәфкатьле класс”-8 нче сыйныф билгеләнде.

15, 16 нчы сентябрь көнне укучыларыбыз макулатура җыйнауда актив катнаштылар. “Иң күп макулатура җыючы” 4 нче сыйныф укучысы Каримуллин Райнур булды. “Иң күп макулатура җыючы класс” дип 4 нче класс билгеләнде. Афәрин!

11 нче сыйныф укучысы Миннемуллин Фәнис Венгриягә барып, кул кәрәше буенча бөтендөнья чемпионатында катнашып, 2 нче урынны яулап кайттты. Афәрин, Фәнис! Алга табада югары үрләр яулавыңны теләп калабыз.