Бүген мәктәбебезнең һәр сыйныфында экстремизм, терроризмга карата тәрбия сәгатьләре узды. Укучылар һәммәсен аңлап, куркыныч туганда үз үзенне тоту кагыйдәләрен тагын бер кабат исләренэ төшереп үттеләр.

5 нче сентябрь көнне башлангыч сыйныфларда "Экстремизмга юк!" дигән тема астында тәрбия сәгатьләре узды.

2 нче сентябрь көнне барлык мәктәп укытучылары һәм укучылары көзге табигатькә экскурсиягә чыкты. Табигать кочагында ашлар пешереп, чәй кайнатып, спорт уеннары уйнап рәхәтләнеп күнел ачып ял итеп кайттык.

Туган җирнең һәрбер почмагында
Каршылыйлар Белем бәйрәмен,
Яңгырый сабыйларның шат авазы,
Кулларында - чәчәк бәйләме.
Мәктәпләрдә кыңгыраулар чыңы
Хәбәр итәр бүген һәркемгә
Яңа уку елы башлануын,
Гүзәл Татарстан җирендә.
1 сентябрь Белем бәйрәме көнен кем генә көтеп алмый икән. Мәктәпкә тәүге кат укырга килүче нәни балалардан башлап, лаеклы ялда булган өлкән яшьтәге ветеран укытучыларыбыз һәм һәр гаилә өчен иң каунычлы бәйрәм ул белем бәйрәме. Чөнки бу көнне берсеннән – берсе чәчәктәй матур балалар бар урамнарны ямьләп , ап – ак алъяпкычлар, ап – ак күлмәкләр киеп, ап - ак бантиклар тагып, изге белем йортына аяк басалар, матур бәйрәм тантанасына җыйналалар. Мәктәбебез директоры Гүзәл Галимулловна укучыларыбызны, мәктәп коллективын, ветеран укытучыларыбызны котлап,матур теләкләрен җиткерде.Шулай ук район администрациясеннән,мәгариф бүлегеннән, Бөрбаш җәмгыятеннән килгән кунаклар бәйрәм белән котлап үттеләр, изге теләкләрен җиткерделәр. Кунакларның һәммәсе беренче сыйныфка укырга керүче балаларны бүләкләп үттеләр. Бәйрәмдә катнашкан һәркем тантанадан соң мәчеттә бәйрәм табынында утырдылар, төрле тәм – томнар, пылау белән сыйландылар. Шундый матур бәйрәм оештырган өчен бәйрәмдә катнашкан һәркем мәктәп администрациясенә һәм Җәлил хәзрәткә олы рәхмәтләрен белдерделәр ..

Кадерле балалар, укучылар һәм студентлар! Хөрмәтле мөгаллимнәр һәм әти-әниләр!
Сезне чын күңелдән Белем бәйрәме белән котлыйм һәм Яңа уку елына иң изге теләкләрне юллыйм!
Әйтергә кирәк, узган уку елы Татарстан Республикасы мәгариф системасы өчен уңышлы булды. Чыгарылыш сыйныф укучыларының 2016 ел белән чагыштырганда, БДИ нәтиҗәләре һәм югары балл җыючыларның саны артты.
Олимпиада хәрәкәтендә ...

Республика тарафыннан 25 нче августан-25 нче сентябрь кадәр “Куркынычсызлык айлыгы” дип игълан ителде.

29 нчы август көнне ШМО утырышлары булып узды. Һәр секциядә узган уку елына анализ ясалды, 2017-2018 нче уку елына план кабул ителде, һәр укытучыга бурычлар йөкләнелде.

29 август көнне мәктбебездә педсовет булып узды. Әлеге җыелышта 2016-2017 нче уку елындагы эшчәнлеккә анализ ясалды. Алдагы уку елына бурычлар, максатлар билгеләнде

Район мәктәпләре арасында гомуми рейтингта Бөрбаш урта мәктәбе 1нче урынны яулады. Барлык коллективка зур рәхмәтебезне белдерәбез, алга таба уңышлар теләп калабыз.

25 нче август көнне мәктәбебездә “Буыннар очрашуы” булып узды. Ветеран укытучыларыбыз яшь укытучыларга үзләренең киңәшләрен биреп, тәҗрибәләре белән уртаклаштылар.