4 нче октябрь көнне башлангыч сыйныф укучылары арасында "Укытучымны котлыйм" исемле открыткалар конкурсы үткәрелде. Укучылар берсеннән берсе матур, үзенчәлекле открыткалар ясаган иде.

Иртән башланган бәйрәм котлаулары шуның белән генә тәмамланмады. Ул мәдәният йортында 5 нче һәм 11нче сыйныф укучыларының көче белән әзерләнгән концерт карау белән тәмамланды. Афәрин, укучылар!

Көз. Бөтен җиргә сары яфрак ява. Бакчада уңышлар җыелды. Инде саргайган чәчәкләрне, үләннәрне җыяр вакыт җитте. Менә шуңа күрә дә бүген укучыларыбыз бөтен көчләрен җыеп, мәктәп тирәләрен, бакчаларны җыештырып чыктылар. Әйләнә-тирәбез икенче төрле матур, чиста булып калды.

“Укытучыңны котла”акциясе дәвам итә. Бүген укучыларыбыз иртә белән мәктәпкә килгән һәммә укытучыны ишек төбендә чәчәк бәйләмнәре тотып каршы алдылар. Үзләренең изге теләкләрен җиткерделәр.

Сезне Укытучылар көне белән чың күнелдән котлыйбыз. Сезгә озын гомер, нык сәламәтлек, бәхет- шатлык телибез.

Нигә бүген алтын нурлар
Урманнарга йөгерә?
Нигә безне көзге кояш
Җәйдәгечә көлдерә?

Ай нинди көн, нинди көн бу?
Кыздыра кояш көзне.
Шул кояштай якты сыман
Укытучылар көне.

Иң изге теләкләр белән Бөрбаш урта мәктәбе коллективы укытучылары.

Илебез буенча октябрь ае башында Өлкәннәр көне уздырыла.
Хөрмәтле Өлкәннәр! Сезне белән чын күңелдән бәйрәмегез белән котлыйбыз.
Сезгә озын гомер, нык сәламәтлек, телибез. Балаларыгызның, оныкларыгызның игелеген күреп, тынычлыкта яшәсәгез иде.
Шул уңайдан мәктәбебез укучылары Бөрбаш, Бөрбаш-Сәрдегәне, Алан авылында яшәүче Өлкәннәрне бәйрәм белән котлап открыткалар өләшеп чыктылар. Әби- бабайларыбыз моңа бик сөенделәр, үзләренең рәхмәтләрен җиткерделәр..

5 нче сыйныф укучыларыннан башлангыч сыйныфтан урта мәктәпкә күчкәндә уздырыла торган диагностик тестлар алу башланып китте. Аларга уңышлар телибез!

2 нче октябрь көнне 8-11 нче сыйныфларда профориентация буенча тестлар уздырылды. Мондый тестлаштыру укучыларга кайсы юнәлеш буенча һөнәр сайлауларына бер этәргеч булып тора.

2 нче октябрь көнне иртәнге линейка булды.Үткән атна нәтиҗәләре буенча "Иң яхшы укучы класс" - 3 һәм 11 класс укучылары, ә "Иң шәфкатьле класс" исеменә 5 нче сыйныф укучылары лаек дип табылды. 

Буген Балтач спорт комплексында бадминтон ярышы узды. Анда безнең мәктәптән дә дүрт укучыбыз катнашты. Менә алар- Галимов Әлфис, Корбангалиева Энҗе, Сафаргалиев Айрат, Шакирова Галия. Алар ярышта актив катнашып, медаль һәм дипломнар белән кайттылар. Бу укучыларыбызның алга таба югары үрләр яулауларын телибез.