11 нче декабрь көнне 7 нче класста проект эшен якладылар. Укучылар бик күп эзләнү эшләре алып бардылар. Сыйныф ике группага бүленеп үз эшләрен тәкъдим иттеләр. Алга таба да уңышлар аларга.

Мәктәбебездә кошларга ярдәм йөзеннән “җимлек” операциясе игълан ителде.

Мәктәбебездә Яңа елга әзерлек эшләре башланды. Укучыларыбыз бер- берсеннән уздырып Яңа ел газеталары чыгаралар, сыйныф бүлмәләрен бизиләр. Шулай ук мәктәпнең эчендә чыршылар бизәлде.

Мәктәбебездә 11 -16 декабрь көннәрендә аерым план нигезендә химия атналыгы үткәрелә.

Файзрахманов Г.Г. призына үткәрелгән шахмат ярышында мәктәбебездән Кәримов Әмин 1 нче урын, Базагутинов Әмир 2 нче, Шакиров Әмир 3 нче урынга ия булдылар. Кызларыбыздан Шәрипова Фәйрүзә 1 нче, Базагутинова Диния 2 нче һәм Корбанова Зифа 3 нче урынны алдылар. Укучыларыбызга алга таба да уңышлар телибез.

“Әтине, әнине һәм хоккейны яратам” хоккей фестиваленда катнашып, егетләр командасы 2 нче, ә кызларыбыз 4 нче урынга ия булдылар. Алар медальләр һәм кубок белән бүләкләнгәннәр. Афәрин, егетләр һәм кызлар!

9нчы декабрь көнне, авылыбызның мәдәният йортында 2004-2007 нче елгы һәм аннан яшьрәк егетләр һәм кызлар арасында ветеран Файзрахманов Г.Г. призына районара шәхси беренчелеккә шахмат ярышы узды. Бирегә районыбыз мәктәпләреннән һәм Кукмара, Мамадыш, Саба һәм Әтнә районнарыннан да яшь шахматчылар килгән иде.

8 нче декабрь көнне рус теле укытучылары Г.Т.Валиева, И.Н.Фасихова 8- 9 класслар арасында рус әдәбиятыннан А.С.Пушкин, М.Ю.Лемонтов һәм Н.В.Гогольнең иҗаты буенча викторина үткәрделәр. Кичә бик бай эчтәлекле булды. Укучылар үзләренең тапкырлыкларын күрсәттеләр.

8 нче декабрь көнне Әхсән Баянның тууына 90 ел тулу уңаеннан “Тау ягы” повесте буенча 9 -10 нчы сыйныфлар өчен китап укучылар конференциясе үткәрелде. Кичә бик бай эчтәлекле һәм күп мәгълүмат туплаган иде. Конференцияне уздырган татар теле һәм әдәбияты укытучылары З.З.Нуретдиновага һәм В.Н.Хайруллинага алга таба да уңышлар телибез.