15 нче ноябрь көнне 5 нче һәм 6 нчы сыйныф укучылары катнашында “Тамчы –шоу” интеллектуаль уен үткәрелде. Уен татар теленә, сан темасын йомгаклап кабатлауга багышланды. Биредә “Ак җилкән” командасы 34,5 очко белән җиңүгә иреште. Дуслык командасы алардан бары 2 очкога гына калышты.

13 нче ноябрьдән укучылар өчен олимпиадаларның район этабы башланып китте. Укучыларыбызга унышлар телибез!

14 нче ноябрь көнне 4, 6, 8 нче классларда инглиз теленнән мониторинг булып узды. 

10 нчы ноябрь көнне “КЭС-Баскет” баскетбол буенча зона ярышлары булып узды. Анда мәктәбебезнең кызлар командасы 3нче урынны яуладылар. Алга табада уңышлар аларга. Афәрин, кызлар!

"КАИ-крылья для жизни" фәнни гамәли конференциясендә катнашып, Нурмиев Илшат 2 урын, Гарифуллин Марат һәм Исрафилов Хәлил 3 урын, Корбанова Чулпан финал туры катнашучысы дипломнары белән бүләкләнделәр.

10 нчы ноябрь көнне 9 нчы сыйныф укучылар көче белән әзерләнгән “Икмәк булса, җыр да була” исемле концерт булды. Игенчеләр хезмәтенә багышланган бәйрәм тантанасы бик тирән эчтәлекле иде. Бирегә кунак итеп колхозыбызның баш агрономы Искәндәр абый һәм алдынгы комбайнчылар чакырылган иде. Концерт бик күңелле узды.

Хөрмәтле хезмәттәшебез Сабирҗанова Җәүһәрия Габделбәр кызының 5 нче ноябрь көнне 50 яшьлек юбилее.
Кадерле хезмәттәшебезне чын күңелдән олуг юбилее белән котлыйбыз. Хезмәтебезгә ямь өстәп, авырмый, кайгы-хәсрәт күрми, озын гомер итүеңне, гаилә шатлыгы, балаларыгызның, якыннарыгызның игелеген күреп яшәргә язсын! Ныклы тазалык, озын гомер, ак бәхетләр белән мул тормышта яшәвегезне телибез! Туган көнегез белән Чын күңелдән сезне котлыйбыз. Сәламәтлек, шатлык-куанычлар, Күңел тынычлыгы телибез.
Туган көннәр ел да кабатлана, Ләкин кабатланмый үткәне. Бәхет, шатлык һәм тазалык белән Килеп торсын иде көткәне.
Иң изге теләкләр белән Бөрбаш урта мәктәбе коллективы

3 нче ноябрь көнне Балтачның спорт үзәгендә 2004-2005 нче елгы кызлар һәм яшүсмер егетләр арасында баскетбол ярышы булды. Анда безнең мәктәпнең егетләре 1нче урынны яуладылар. Афәрин, егетләр! Алга таба да уңышлар сезгә!

1 нче ноябрь көнне Балтач мәктәбендә Фазлыев Рамил истәлегенә багышланган шахмат ярышы узды. 3 нче сыйныф укучысы Корбанов Ильяс 2 урынны алып кайтты. Аңа алга табада уңышлар юлдаш булсын!

1 нче ноябрь көнне мәктәбебездән К. Газизуллин , Г. Шакирова , Д. Мухаметзяновалар Казан шәһәренә экскурсиягә бардылар. Алар анда К.Тинчурин исемендәге театрда “ Али баба һәм өч карак” исемле спектакль карадылар. Укучылар бик уңай хисләр белән кайтканнар.