5 нче сыйныфларда рус теленнән ВПР

Бүген 5- класслар өчен “Математик КВН” оештырылды. “Квадрат” командасы 2 очко өстенлек белән “Өчпочмак” командасын җиңүгә иреште.

27 -30 октябрь коннәрендә ил күләмендә "Интернет челтәрендә куркынычсызлык" темасына бердәм дәресләр үткәрелә. Бүген әлеге чара мәктәбебезнең 5-7 нче сыйныфларында уздырылды. 

26 нчы октябрь көнне башлангыч сыйныф укучылары өчен Сөмбелә бәйрәме үткәрелде. Укучылар бәйрәмгә бик зур әзерлек белән килгән иде. Бәйрәм кичәсендә төрле ярышлар белән концерт номерлары бергә үрелеп барды. Һәр сыйныф көз турында рәсем, табигый материаллардан букет ясаган иде. Бәйрәм бик күңелле үтте. 

24 нче сентябрь көнне мәктәбебезнең тарих укытучысы Айгиз Рафил улы ТР Конституциясен кабул итүгә 25 ел тулу уңаеннан башлангыч сыйныф укучылары өчен Парламент дәресе үткәрде. Айгиз Рафил улы укучыларны Конституциянең эчтәлеге бүлекләре белән таныштырды. Шулай ук Татарстанның Дәүләт советы, аның эшчәнлеге турында күп кенә мәгълүмат бирде. 

22 нче октябрь көнне мәктәбебезнең 6 укучысы: Галиуллина Динә, Фазлыева Әминә, Газизуллина Нәргизә, Акбирова Нәфисә, Базагутинова Диния, Газизуллин Кәрим, Казанның Республика олимпиада үзәгенә әдәбият буенча “Әдәби марафон” га бардылар. Алар беренче турда әсәрдән өзекне яттан сәнгатьле итеп сөйләделәр, ә икенчесендә язмача биремнәр эшләделәр.

Бүген безнең 10 нчы сыйныф укучылары Балтач мәдәният йортында “Киләчәк профессияләре” темасы астында узучы, профориентация буенча “ИТ-парк” информацион технологияләр комплексы хезмәткәрләре белән очрашуда булып кайттылар. Анда хәзерге заман технологияләре һәм аларның төзелеше турында мәгълүмат туплап кайттылар.

19 нчы октябрь көнне 5- 11 нче класслар өчен “Көзге бал” кичәсе оештырылды. Бал көз егете белән көз кызларының вальс биюләре белән башланып китте. Матур башламнан соң егетләр һәм кызлар үзара тапкырлыкларын сынап карадылар. Алар үзләренең оста һәм шаян булуларын тагын бер исбатлап киттеләр. Бәйрәм укучылар үзләре ясаган салатларын авыз итү белән тәмамланды. Бәйрәм укучыларыбызга бик ошады.