Кадерле кызлар, хөрмәтле укытучылар! Сезнең барыгызны да язның беренче бәйрәме 8 Март -Халыкара хатын-кызлар көне белән котлыйбыз! Сезгнең барыгызга да нык сәламәтлек, озын гомер, тыныч, матур тормыш, бәхетле, шатлыклы көннәр телибез.   Бәйрәмнең  кайсы да  тәнгә  җиңеллек,  рәхәтлек,  җанга  ял  алып  килә.  Шушы  бәйрәм  көне,  елмаеп  балкыган  кояш  матурлыгын,  табигатьнең  самимилеген  өстәп,  күңелләрегезгә  шатлык,  тәнегезгә  сихәтлек,  өегезгә  иминлек  алып  килсен.

6  нчы март көнне мәктәбебезнең 9 нчы класс укучылары район буенча уздырылган пробный имтиханда үзләренең көчләрен сынап карадылар.

Мәктәбебездә  8 Март- Халыкара хатын-кызлар көне уңаеннан "Яз гөлләре сез, туташлар!"  кичәсе үткәрелде.  Кичәдә 5-9 класс  кызлары катнаштылар. Кызлар "Саф хисләр"  һәм  "Девчата"  командаларына бүленеп үзара көч сынаштылар. Кызларыбыз аш-суда уңганлыкларын, җыр-биюдә осталыкларын, тормышчан вакыйгаларны чишүдә тапкырлыкларын күрсәттеләр. Кызларның чыгышлары егетләрнең котлаулары белән чиратлашып барды.  Кызларыбыз сынатмадылар, барлык биремнәрне дә үтәп чыктылар. Кичә  чәй өстәле артында дәвам итте.

6 март көнне Әзәк башлангыч мәктәбендә "Әбиемнең күңел сандыгы"  исемле әдәби-музыкаль кичә үткәрелде. Кичәгә укучыларның әниләре, әбиләре дә килде. Әлеге кичәдә балалар татар халкының үткәне, тормыш- көнкүреше турында белделәр. Әби- бабаларыбызның киемнәре: түбәтәй, калфак, читек, чабата; бизәнү әйберләре,мендәр өслекләре, сөлге- тастымаллар турында, аларны ничек ясаулары турында мәгълүмат алдылар.  Мәкальләр, табышмаклар, такмаклар әйтештеләр. Милли ризыклар турында сөйләшелде. Әниләре белән бергәләп аулак өйләрдә уйналган уеннарны уйнадылар. Татар халык җырларына җырлап, биеделәр.  Әби образы аша әйтелгән әйтемнәр балалар күңеленә уелып калды.

Башлангыч класс укучылары 8 Март бәйрәмен бик көтеп алдылар. Алар әниләре өчен ленталар кулланып оригиналь бүләк әзерләделәр. Әниләребез иң матур, иң кадерле кешеләр, аларга ясаган бүләктә иң матуры булырга тиеш дип саныйлар алар.

Тузаннарны сөртеп чыктым,

Коедан су китердем

Әни эштән кайтканчы дип.

Бөтен эшне бетердем,

Бүлмәләрне җыештырдым.

Бар җир ялт итсен әле,

Үзенең бәйрәмендә бер

Әни ял итсен әле.

Иске Кырлай авылында гомер итүче Бөек Ватан сугышы ветераны Камалов Әнвәр Галәветдин улы үз тормыш юлы турында "Гасырга тиң гомер елгасы" исемле китап бастырып чыгара. Әлеге китапта ул  үзенең тамырлары турында, авылдашларының тормыш юлын, Иске Кырлай авылы тарихын, авылдагы истәлекле урыннар турында бәян итә. Ә иң мөһиме ул үзенең Бөек Ватан сугышында ничек һәм кайларда катнашуы хакында тулы итеп яза. Әлеге китапны күз яшьләрсез укып та булмый, чөнки һәрбер авылыбыз кешесе әлеге китапта үзенең бабасы, әбисе хакында нинди дә булса мәгълүмат таба ала. Рәхмәт сезгә, Әнвәр абый, әлеге хәзинәгез өчен!

Бөек Җиңүнең 70 еллыгына багышланган чаралар дәвам итә. Бүген мәктәбебез укучылары Иске Кырлай авылында яшәүче Бөек Ватан сугышы ветераны Камалов Әнвәр Галәви улы  янына очрашуга бардылар. Ветеран сугыш чорындагы авырлыклар, үзенең тормыш юлы турында сөйләде. Хәзерге тормышның бик матур булуы һәм яшь буынга үзләре күргән михнәтләрне күрергә язмавын теләде. Әнвәр абый бик уникаль шәхес. Аның тормыш улы үзе бер тарих. Шундый ветераныбыз булуы белән без бик горурланабыз!

      Бүген мәктәп күләмендә "Бөек Җиңүнең 70 еллыгына - 70 оя", "Бөек Җиңүнең 70 еллыгына - 70 "5"ле" акцияләре игълан ителде. Һәр укучы әлеге акцияләрдә актив  катнашырга  бурычлы. Әйдәгез, укучылар, сынатмыйк!

В школе прошел конкурс чтецов, посвященный 125-летию со дня рождения Б.Л.Пастернака. Выступали учащиеся 5-9 классов.  На 1 месте  -  Фазлиева И.(7кл.), Ситдиков Э.(7 кл.), Ахметзянов А. (7 кл.),  на 2 месте - Закиров Р.(8 кл), Саттарова Н.( 8кл.), Мукаева Л.(8 кл), на 3 месте - Абдуллазянова Д. 9( кл.), Хабибуллина А.(9 кл.), Фазлиева Я. (6  кл.). Мероприятие соправождалось просмотром презентации о творчестве Пастернака.

Җир өстенә талгын гына яз якынлаша. Ап-ак кар астында тирән йокыда булган Җиребез уянып килә. Күкләребез аяз, дөньялар тыныч булсын. Һәркемне яз башлану белән тәбрик итәбез!!!