Мәктәбебездә бүген 9 нчы класс укучылары өчен Соңгы кыңгырау чыңлады.  Без аларга ак юллар,  бәхет-шатлыклы көннәр телибез. 

Бүген Арча шәһәре стадионында 12-15 яшьлек егет һәм кызлар җиңел атлетика буенча ГТО нормативлары тапшырдылар. Безнең мәктәбебездән дә 8 укучы әлеге нормативларны уңышлы тапшырып кайттылар.

Чәчәклекләрдә эш гөрли...

3 класс укучысы Файзрахманова Азалия рус теленнән уздырылган "Русский медвежонок" конкурсында иң күп  очко җыеп грамотага, конкурс логотибы төшерелгән футболка һәм бүләккә лаек булды.

19 май -  Пионер туган көнендә 4 класс укучысы Хөсәенов Илназ Татарстан Варислар берлегенә кабул ителде. Ул варисларның законнарын төгәл үтәргә, тырышып укырга дип иптәшләре алдында вәгъдә итте.  Илназны яңа оешмага кабул ителүе белән котлыйбыз!

Мәктәбебез бакчасында язгы эшләр башланды.  Җирне казып, тырмалап, түтәлләр ясадык. Түтәлләргә кишер, чөгендерләр, суганнар утырттык, агач төпләрен йомшарттык.  Бакча эшләрендә һәркем актив катнашырга тырыша.

Что такое телефон доверия? Телефон доверия – это служба, куда может анонимно обратиться абсолютно любой человек, чтобы обсудить отношения с друзьями, близкими, семейные и школьные отношения. При звонке на этот номер в любом населенном пункте Российской Федерации со стационарных или мобильных телефонов дети, подростки и их родители могут получить экстренную психологическую помощь, которая оказывается специалистами действующих региональных служб, подключенных к единому общероссийскому номеру.

Важная роль в этой кампании отводится развитию служб экстренной психологической помощи детям и подросткам по единому общероссийскому номеру телефона доверия – 8-800-2000-122.

Бүген 9 класстан ике укучы Арча   сәнәгать көллиятендә үткәрелгән "Ачык ишекләр көне"ндә катнаштылар.  Укучылар көллияткә кабул итү шартлары, укытылган төрле белгечлекләр буенча күп мәгълүмат алдылар, уку йорты һәм тулай торак белән таныштылар.

13 май көнне мәктәбебезнең яшь спортчылары Арча шәһәрендә уздырылган җиңел атлетика ярышында катнаштылар. Алар 100 м, 400 м, 1500 м, йөгерү,  урыннан ераклыкка сикерү һәм катнаш эстафетада үзара көч сынаштылар. Мәктәбебез командасы төп мәктәпләр арсында 6 урынга лаек булды.

Бүген 1-9 классларда  Бердәм экология дәресе  үткәрелде.    Әлеге дәреснең төп максаты – үсеп килүче буынның  экология белемнәрен арттыру, мәктәп балаларында  туган як табигатенә сакчыл мөнәсәбәт  тәрбияләү,  дөньяга экологик караш булдыру, даими экологик белем бирү системасына ярдәм итү һәм аны үстерү.