"Оста куллар" түгәрәге җитәкчесе Хәбибуллина Г.Г. "Кусудама - кыңгырау чәчәк" темасына район педагог-организаторлары семинарында мастер- класс үткәрде. Әлеге мастер - класста катнашучылар бик матур кыңгырау чәчәкләре ясарга өйрәнделәр. 

Бүген мәктәбебез базасында район педагог-организаторлар семинары булып узды. Килгән кунакларга 1-4 класс укучылары  катнашында "Белем иленә сәяхәт" уен-экскурсиясе, "Ялкын" укучылар оешмасы утырышы, кусудама -корзин ясау буенча мастер класс, Г.Тукайның тууына 130 ел тулуга  багышланган "Таныш булыйк, Шүрәле!" спектакле, һәм "Кызлар -йолдызлар" кичәсе тәкъдим ителде. Педагог-организаторлар семинарында Арча укучылар сарае методисты Алсу Мухаматовна, Шакирова Миләүшә Ниязовна һәм "Нур" телевидениесе да катнашты. 

Хөрмәтле хатын-кызлар! Сезне чын күңелдән язның беренче бәйрәме  - 8 март - Халыкара хатын-кызлар бәйрәме белән котлыйбыз!  Сезгә эшегездә  зурдан -зур уңышлар, тыныч аяз  көннәр, тазалык- саулык, күңел тынычлыгы телибез. 

Гөлшаһидә кебек матур булыгыз.

Терешкова кебек батыр булыгыз.

Авырлыклар килсә бирешмәгез,

Хатын-кызга шулай килешә.

Мәктәбебезнең технология укытучысы Әхмәтшина Гөлназ Халиковна белән һәр класс   укучысы әниләренә бүләк әзерләделәр.

Әниләр бәйрәме җитә,
Чәчәк төшерә куллар.
Әниле булганга гына
Кояштай якты уйлар.

Республика күләмендә уздырылган “Сөйкемле Шүрәле “ исемле конкурста  5 класс укучысы  Хөсәенов Илназ  үзенең иҗат җимешләре белән катнаша. Җитәкчесе технология укытучысы Ахметшина Г.Х.

Информатика укытучыларының чираттагы район семинарында булып кайтканнан соң информатика укытучысы Бәдретдинова Ф.З. коллективны яңалыклар белән таныштырды. Мәктәп сайты структуралары, ЕСИА системасы һәм түләүләр турында аңлатты.

Учащиеся нашей школы принимали участие в Международном дистанционном блиц-турнире по английскому языку International communications"   проекта "Новый урок". Все ученики получили призовые места и награждены дипломами.

27 февраль көнне көнне  районда үткәрелгән чаңгы ярышларында  укучыларыбыз барысы да диярлек призлы урыннар яуладылар, медаль һәм грамоталарга лаек булдылар.  Шәрәфиев Илназ һәм Сәйфуллина Динә 1 урынны алдылар. Калган укучыларыбыз –көмеш һәм бронза медаль ияләре. Безнең мәктәп командасы 1 урынга чыгып, кубок алды , аңа  тиңнәр табылмады. Бу җиңүләр тренер Ситдиков А. Г. һәм балаларның  тырышлыгы нәтиҗәсе. Киләчәктә дә аларга уңышлар телибез!

Бүген Арча стадионында уздырылган чаңгы ярышында  иң көчлеләр һәм иң чыдамнар ачыкланды. Безнең мәктәпнең чаңгычылары бу юлы да сынатмадылар.  2002-2001 елгы кызлар арасында Сайфуллина Динә -1 урын, Фазлиева Илүзә - 2 урын, Хәбиева Ландыш - 3 урын; 2000-1999 елгы кызлар арасында   Саттарова Наиля 3 урын; 2000-1999 елгы егетләр арасында Шарафиев Илназ 1 урын, Хусаенов Илнар 2 урын; 2002-2001 елгы егетләр арасында Ахметзянова Алмаз 2 урын, Абдуллин Азат 3 урын, Ситдиков Эльвир 4 урын; 2003-2004 елгы кызлар арасында Залялиева Зилә 2 урын, Галиахметова Эльвина 3 урыннарны яуладылар. Чаңгычыларны зур җиңүләре белән котлыйбыз!