Бүген, 19 нчы май көнне, Арча Укучылар сарае янында район мәктәп укучылары арасында асфальтта рәсем ясау конкурсы үтте. Конкурс 5 номинациядә, балаларның яшь үзенчәлекләреннән чыгып үткәрелде.Әлеге чарада безнең мәктәптән Ситдиков Эльвир катнашты. Ул Союзмульфильм номинациясендә 2 урын алып, диплом белән бүләкләнде.

Мәктәп яны тәҗрибә участогында эшләр дәвам итә. Бүген укучылар түтәлләр ясап, суган утырттылар. 

Бүген 4 класс укучылары математика фәненнән Бөтендөнья тикшерү эше эшләделәр. 

6 нчы класс укучылары программа буенча  Әхмәт Фәйзинең “ Тукай” романын укырга тиешләр. Габдулла Тукайның тууына 130 ел булу уңаеннан, бу әсәр мәктәп күләмендә китап укучылар конференциясе итеп үткәрелде.  Тукайның  тормыш  юлына кагылышлы  бик күп материал белән таныштылар. Соорауларга актив җавап бирделәр. Кайбер  әсәрләрен  сәхнәләштереп  тә әзерләнгәннәр. Конференция   һәркем күңелендә зур дулкынлану хисләре уятты. Кунак буларак чакырылган башлангыч укучылары  әсәрне тулысынча укырга теләк  белдерделәр. 

15 нче май Халыкара  Гаилә көне уңаеннан класс сәгатьләре үткәрелде.

с 25 апреля по 17 мая 2016 года объявлен месячник, посвященный Международному дню детского телефона доверия.

С 10 – по20 мая “Весенняя неделя тестирования-Проверь себя!». С целью профилактики ВИЧ инфекции, культуры безопасного поведения среди молодёжи, популяризации ЗОЖ в школе запланированы различные мероприятия: классные часы, конкурсы рисунков и тд.

Бүген Тукай –Кырлай мәдәният йортында “Бердәм Россия” партиясенең  Росссия Федерациясе Дәүләт Думасы  депутаты Ильдар Гильметдинов белән очрашу булды. Депутат белән очрашуда безнең мәктәп  укытучылары да  катнашты.

Бүген мәктәбебездә  9 сыйныф укучылары әти-әниләре өчен  җыелыш уздырылды. Җыелышта алда торган ОГЭ га әзерлек эшенең торышы тикшерелде, математика һәм рус теле фәннәре буенча сынау имтиханнары билгеләре белән таныштырылды.  Һәр әти-әни һәм укытучылар бергәләшеп  укучыларның имтиханнарны уңышлы тапшыруларына ирешүне максат итеп куйдылар.

Бүген мәктәбебездә "Әлифба бәйрәме" үткәрелде. 1 класс укучылары үзләренең беренче зур җиңүләрен бәйрәм иттеләр. Бәйрәмгә әти-әниләр дә килгән иде. Балалар шигырьләр сөйләделәр, җырладылар, төрле биремнәр үтәделәр. Бәйрәм азагында аларга бүләкләр тапшырылды.

Яз җитү белән мәктәбебездә дә бакча эшләре башланды.   Мәктәп яны тәҗрибә участогында казу эшләре алып барабыз, түтәлләр дә ясый башладык.