Бүген Иске Кырлай төп гомуми белем мәктәбенең башлангыч классларында "Урманнарны саклыйк!" дигән тәрбия сәгате үткәрелде. Тәрбия сәгатенең максаты укучыларга Россия дәүләтенең урманнарга иң бай ил булуын аңлату. Ләкин соңгы елларда урманнарда агачлар бетә башлау сәбәпле,  бу экологик катастрофага китерүен төшендерү.

Мәктәбебездә дәресләрдән соң төрле юнәлештәге түгәрәкләр эшчәнлек алып бара. "Оста куллар" декоратив- гамәли сәнгать түгәрәгенә йөрүче укучылар төрле дәрәҗәдәге республикакүләм һәм районкүләм конкурсларда һәрдаим катнашалар. Октябрь аенда "Көзге муллык" темасы астында эш алып барыла. Алар бөртекле ашлык культураларыннан районыбыз Гербын эшлиләр.

7 октябрь көнне 7 класс укучылары җәмгыять белеме уктучысы Хәбибуллина Г.Г. белән берлектә, Финанс грамоталылыгы онлайн-дәресләре кысаларында үткәрелгән "Биржа һәм инвестицияләү нигезләре" темасына онлайн-дәрестә катнаштылар. Дәрестән соң оештырылган бу чарада укучылар үзләре өчен бик күп кызыклы мәгълүмат алдылар. Әлеге дәресләр 2016 елның 15 декабренә кадәр дәвам итәчәк.

Бүген мәктәптә 5 нче класс укучылары белән анкета эше уздырылды. 

Иске Кырлай мәктәбенең башлангыч класс укучылары"Иң якыннарыңны һәм туганнарыңны котла!" акциясе кысаларында Өлкәннәр көненә багышлап үз куллары белән открыткалар ясадылар һәм әби-бабаларына бүләк иттеләр.

Район һәм республика ярышларына укучыларны әзерләүдә ирешкән уңышлары өчен мәктәбебезнең физкультура укытучысы Ситдиков Айрат Габделнурович Арча муниципаль районы мәгариф идарәсенең Рәхмәт хаты белән бүләкләнде.

Мәктәбебезнең тимурчылык отряды үзенең эшчәнлеген уңышлы дәвам итә. Укучыларыбыз ялгыз яшәүче әбиләрнең өйләренә даими барып үзләренең ярдәмнәрен күрсәтәләр. Өлкәннәр аларны сөенеп каршы алалар һәм рәхмәтләрен әйтеп калалар. "Изге эш үзегезгә игеле белән кайтсын", - ди алар.

Бүген республика күләмендә 1 нче класс укучылары белән мәктәп территориясендә миләш агачы утырту оештырылды.

Бүген мәктәптә 5 нче класс укучылары өчен рус теленнән Бөтенроссия күләмендә старт эше уздырылды.

Мәктәбебездә   7 класс укучылары  катнашында  “Яхшылык яшәртә, көч бирә” исемле класстан тыш чара үткәрелде.  Укучылар яхшылык төшенчәсенә аңлатма  бирде. Һәркайсы үзенчәлекле фикер  йөртте. “ Безнең яхшы эшләребез һәм уйларыбыз, кешеләрнең бер-берсенә карата яхшы һәм рәхимле мөнәсәбәтләрдә. Яхшылык беркайчан да онытылмый.  Якын кешеңнең рухи яктан күңелен күтәрү, авыр минутларда аның хәлен аңларга тырышу бик мөһим. Яхшылык эшләгән кеше якын кешесен яшәртергә, аңа рухи яктан көч бирергә мөмкин. Кояш кешеләр өчен гел яхшылык кына эшләгән кебек, кешеләр дә бер-берсенә карата яхшы гамәлләр генә кылсыннар иде “ – дигән теләкләкләрен әйттеләр.