23 январь көнне Казанбаш төп гомумбелем мәктәбендә "Класс җитәкчесе" конкурсы узды. Бу конкурста 6 мәктәп катнашты. Безнең мәктәптән 5 класс җитәкчесе Гилязиева Г.Р. үзенең көчен сынады. Зональ турда ике бирем үтәргә кирәк иде. "Класстан тыш чара" һәм "Мастер-класс". Укытучының ике биреме дә уңышлы узды. Класстан тыш чарада, Гөлчәчәк Рифгатовна 5-6 класс укучыларын "Белем иленә" сәяхәткә алып чыкты. Чит мәктәп балалары булса да, укытучы алар белән уртак телне тиз тапты, кыска гына вакыт эчендә аларны кызыксындыра алды. Укучылар да сынатмадылар.

Мастер-класс этабында һәрбер конкурсант, үзләренең профессиональ мөмкинлекләреннән чыгып,  нәрсә дә булса ясарга өйрәтергә тиеш иделәр. Гилязиева Г.Р. "Без төрле, әмма без бергә!" исеме астында коллаж ясатты. Аның эше жюри тарафыннан уңай бәяләнде.  

Январь аенда мәктәбебездә  Фәнил Гәрәфиев истәлегенә багышлап чаңгы ярышы  уздыру матур традициягә әйләнде. Әлеге ярышлар бездә алтынчы ел рәттән үткәрелә инде.  Елдан -ел катнашучы укучылар саны да арта.  Ярышларда үзебезнең чаңгычыларыбыз да яхшы уңышларга ирештеләр. Командалар арасында безнекеләр беренче урынны яуладылар. Молодцы! 

Татар халык шагыйре Габдулла Тукайның 130 еллыгына багышланган “Г.Тукай геройларының кешелеккә мөрәҗәгате” районкүләм яшь иҗатчылар бәйгесендә безнең мәктәптән Хөсәенов Ильназ “ Тукай очырган карлыгачлар” номинациясендә җиңү яулады.Ильназга укуында һәм иҗат эшендә зур уңышлар телибез

Бүген технология дәресендә укучыларыбыз чигәргә өйрәнделәр. Кызлар гына түгел, хәтта егетләребез дә бу эшне бик теләп башкардылар. Кул эшләренең тормышта кызларга гына түгел, егетләр өчен дә кирәклеген укытучылары аңлатып үтте.

"Әзәк башлангыч гомуми белем мәктәбе"ндә "Гаилә бәхете-балада!" дигән кичә-конкурс үткәрелде. Гаилә- ул иң ышанычлы сыеныр урыныбыз, иң олы таянычыбыз. Һәр гаилә үзен бар яктан да уңган,тырыш,җитез итеп күрсәтергә тырышты. Алар гаилә девизларын да әйттеләр, бала белән булган кызыклы хәл турында да сөйләделәр,әни белән бала бер-берсенә матур сүзләр дә әйтеште,табышмакларны да чиштеләр,әтиләр "бәби-курчак"ны биләүгә дә төреп карадылар, әтиләр белән әниләр үзара акча да санап ярыштылар. Кичә балаларга да, әти-әниләргә дә ошады.

14  нче январь  көнне, авыл  фельдшеры Рәмзия Исламова, мәктәп  укучылары белән  " Сулыш  юллары авырулары" темасына әңгәмә  үткәрде. Укучылар  сулыш  юллары авырулары, аларның  еш  очрый торган төрләре,  аларны  профилактикалау  һәм дәвалау  ысуллары  турында  файдалы мәгълүмат  алдылар.

Бүген, 13 нче январьда, 1-8 класс укучыларының ата- аналары җыелышы уздырылды. Көн тәртибендә:

1. Икенче чирек йомгаклары (Укыту-тәрбия эшләре буенча директор урынбасары Мустафина Г.Г. чыгышы)

2. "Өйдә дәрес әзерләүне дөрес оештыру"- доклад. (Хисматуллина В.Б. чыгышы)

3. Классларда җыелышлар

Бүген 5 класста узган класс сәгатенең темасы:"Хамелеон ничә төсле?" - дип аталды. Максат: икейөзле кешенең сыйфатларын күрсәтү һәм үзеңдә туры сүзле булу, дөресен сөйли белү сыйфатлары тәрбияләү. Укытучы Гилязиева Г.Г. тыштан яхшы булып күренеп, асылда начарлык эшләүче, берәү алдында бер төрле, икенче кеше алдында икенче төрле сөйләүче, хәйләкәр, бер сүз белән әйткәндә, икейөзле кешеләр турында сөйләде. Ике яклы пычак, ике яклы уен уйнаучы,ике якка да ярарга тырышучы, ике якны да алдау, ике як белән дә тыштан бер, эчтән капма-каршы эш алып баручы кешеләрне танырга өйрәтте. Мондый кешеләрне халык телендә "хамелеон" дип атыйлар, дип тә искәртте. Икейөзлелек белән бәйләнешле мәкальләр һәм әйтемнәрне искә төшерделәр. Нәтиҗә ясап шуны әйтәсе килә: үз дустың үзеңә тугры  булсын, саф күңелле эчкерсез булсын.

Район күләмендә уздырылган ярышларда 1 урынны алдык дип, тренировкаларны ташламадык. Көн салкын булуга карамастан, чаңгыларга бастык, киләсе ярышларда да җиңү яуларга әзерләнәбез.

Бүген Арча стадионында узган чаңгы ярышында безнең мәктәбебез командасы да катнашты. Чаңгычы кызларыбыз һәм егетләребез эстафетада финишка беренче булып килделәр. Молодцы! Без сезне котлыйбыз! Тагын сездән шундый җиңүләр көтеп калабыз.